൭. പഞ്ഹാവാരോ

പച്ചയചതുക്കം

ഹേതുപച്ചയാദി

൫൦൫. ഹേതു പച്ചുപ്പന്നാരമ്മണോ ധമ്മോ ഹേതുസ്സ പച്ചുപ്പന്നാരമ്മണസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു പച്ചുപ്പന്നാരമ്മണോ ധമ്മോ ഹേതുസ്സ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ… നവ.

ഹേതു പച്ചുപ്പന്നാരമ്മണോ ധമ്മോ ഹേതുസ്സ പച്ചുപ്പന്നാരമ്മണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

നഹേതു പച്ചുപ്പന്നാരമ്മണോ ധമ്മോ നഹേതുസ്സ പച്ചുപ്പന്നാരമ്മണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

ഹേതു പച്ചുപ്പന്നാരമ്മണോ ച നഹേതു പച്ചുപ്പന്നാരമ്മണോ ച ധമ്മാ ഹേതുസ്സ പച്ചുപ്പന്നാരമ്മണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി (സംഖിത്തം).

൫൦൬. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, വിപാകേ നവ, ആഹാരേ തീണി, ഇന്ദ്രിയേ നവ…പേ… അവിഗതേ നവ (സംഖിത്തം).

പച്ചനീയുദ്ധാരോ

൫൦൭. ഹേതു പച്ചുപ്പന്നാരമ്മണോ ധമ്മോ ഹേതുസ്സ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൫൦൮. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ഹേതുദുകഅതീതാരമ്മണത്തികം നിട്ഠിതം.