൭. പഞ്ഹാവാരോ

പച്ചയചതുക്കം

ഹേതുപച്ചയാദി

൪൭൩. ഹേതു മഗ്ഗാധിപതി ധമ്മോ ഹേതുസ്സ മഗ്ഗാധിപതിസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു മഗ്ഗാധിപതി ധമ്മോ ഹേതുസ്സ മഗ്ഗാധിപതിസ്സ ധമ്മസ്സ ആരമ്മണപച്ചയേന പച്ചയോ… നവ.

ഹേതു മഗ്ഗാധിപതി ധമ്മോ ഹേതുസ്സ മഗ്ഗാധിപതിസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

നഹേതു മഗ്ഗാധിപതി ധമ്മോ നഹേതുസ്സ മഗ്ഗാധിപതിസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

ഹേതു മഗ്ഗാധിപതി ച നഹേതു മഗ്ഗാധിപതി ച ധമ്മാ ഹേതുസ്സ മഗ്ഗാധിപതിസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി (സംഖിത്തം).

൪൭൪. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ…പേ… അവിഗതേ നവ (സംഖിത്തം).

പച്ചനീയുദ്ധാരോ

൪൭൫. ഹേതു മഗ്ഗാധിപതി ധമ്മോ ഹേതുസ്സ മഗ്ഗാധിപതിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൪൭൬. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ഹേതുദുകമഗ്ഗാരമ്മണത്തികം നിട്ഠിതം.