൭. പഞ്ഹാവാരോ

പച്ചയചതുക്കം

ഹേതു-അധിപതിപച്ചയാ

൪൬൫. ഹേതു മഗ്ഗഹേതുകോ ധമ്മോ ഹേതുസ്സ മഗ്ഗഹേതുകസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു മഗ്ഗഹേതുകോ ധമ്മോ ഹേതുസ്സ മഗ്ഗഹേതുകസ്സ ധമ്മസ്സ അധിപതിപച്ചയേന പച്ചയോ – സഹജാതാധിപതി… തീണി.

നഹേതു മഗ്ഗഹേതുകോ ധമ്മോ നഹേതുസ്സ മഗ്ഗഹേതുകസ്സ ധമ്മസ്സ അധിപതിപച്ചയേന പച്ചയോ – സഹജാതാധിപതി… തീണി (സംഖിത്തം).

൪൬൬. ഹേതുയാ തീണി, അധിപതിയാ ഛ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, കമ്മേ തീണി, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ, അവിഗതേ നവ (സംഖിത്തം).

പച്ചനീയുദ്ധാരോ

൪൬൭. ഹേതു മഗ്ഗഹേതുകോ ധമ്മോ ഹേതുസ്സ മഗ്ഗഹേതുകസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൪൬൮. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ അധിപതിയാ തീണി (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)