൭. പഞ്ഹാവാരോ

പച്ചയചതുക്കം

ഹേതുപച്ചയാദി

൪൧൭. ഹേതു മജ്ഝിമോ ധമ്മോ ഹേതുസ്സ മജ്ഝിമസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു മജ്ഝിമോ ധമ്മോ ഹേതുസ്സ മജ്ഝിമസ്സ ധമ്മസ്സ ആരമ്മണപച്ചയേന പച്ചയോ… അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി (സംഖിത്തം).

൪൧൮. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ…പേ… കമ്മേ തീണി, വിപാകേ നവ, ആഹാരേ തീണി…പേ… അവിഗതേ നവ (സംഖിത്തം).

പച്ചനീയുദ്ധാരോ

൪൧൯. ഹേതു മജ്ഝിമോ ധമ്മോ ഹേതുസ്സ മജ്ഝിമസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൪൨൦. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)