൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൪൦൫. ഹേതും ഹീനം ധമ്മം പടിച്ച ഹേതു ഹീനോ ധമ്മോ ഉപ്പജ്ജതി ഹേതുപച്ചയാ… തീണി.

നഹേതും ഹീനം ധമ്മം പടിച്ച നഹേതു ഹീനോ ധമ്മോ ഉപ്പജ്ജതി ഹേതുപച്ചയാ… തീണി.

ഹേതും ഹീനഞ്ച നഹേതും ഹീനഞ്ച ധമ്മം പടിച്ച ഹേതു ഹീനോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൪൦൬. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ നവ, ആസേവനേ നവ, കമ്മേ നവ, ആഹാരേ നവ…പേ… അവിഗതേ നവ (സംഖിത്തം).

നഹേതു-നഅധിപതിപച്ചയാ

൪൦൭. നഹേതും ഹീനം ധമ്മം പടിച്ച ഹേതു ഹീനോ ധമ്മോ ഉപ്പജ്ജതി നഹേതുപച്ചയാ. (൧)

ഹേതും ഹീനം ധമ്മം പടിച്ച ഹേതു ഹീനോ ധമ്മോ ഉപ്പജ്ജതി നഅധിപതിപച്ചയാ… തീണി.

നഹേതും ഹീനം ധമ്മം പടിച്ച നഹേതു ഹീനോ ധമ്മോ ഉപ്പജ്ജതി നഅധിപതിപച്ചയാ… തീണി.

ഹേതും ഹീനഞ്ച നഹേതും ഹീനഞ്ച ധമ്മം പടിച്ച ഹേതു ഹീനോ ധമ്മോ ഉപ്പജ്ജതി നഅധിപതിപച്ചയാ… തീണി (സംഖിത്തം).

൪൦൮. നഹേതുയാ ഏകം, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം).

ഹേതുപച്ചയാ നഅധിപതിയാ നവ (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)