൭. പഞ്ഹാവാരോ

പച്ചയചതുക്കം

ഹേതുപച്ചയാദി

൩൭൫. ഹേതു അപ്പമാണോ ധമ്മോ ഹേതുസ്സ അപ്പമാണസ്സ ധമ്മസ്സ ഹേതുപച്ചയേന പച്ചയോ… തീണി.

നഹേതു അപ്പമാണോ ധമ്മോ നഹേതുസ്സ അപ്പമാണസ്സ ധമ്മസ്സ ആരമ്മണപച്ചയേന പച്ചയോ… തീണി.

൩൭൬. ഹേതു അപ്പമാണോ ധമ്മോ ഹേതുസ്സ അപ്പമാണസ്സ ധമ്മസ്സ അധിപതിപച്ചയേന പച്ചയോ – സഹജാതാധിപതി… തീണി.

നഹേതു അപ്പമാണോ ധമ്മോ നഹേതുസ്സ അപ്പമാണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

൩൭൭. ഹേതു അപ്പമാണോ ധമ്മോ ഹേതുസ്സ അപ്പമാണസ്സ ധമ്മസ്സ അനന്തരപച്ചയേന പച്ചയോ… നവ…പേ….

ഹേതു അപ്പമാണോ ധമ്മോ ഹേതുസ്സ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ… നവ (സംഖിത്തം).

൩൭൮. ഹേതുയാ തീണി, ആരമ്മണേ തീണി, അധിപതിയാ ഛ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, കമ്മേ തീണി, വിപാകേ നവ, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം).

പച്ചനീയുദ്ധാരോ

൩൭൯. ഹേതു അപ്പമാണോ ധമ്മോ ഹേതുസ്സ അപ്പമാണസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൩൮൦. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ തീണി (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ഹേതുദുകപരിത്തത്തികം നിട്ഠിതം.