൭. പഞ്ഹാവാരോ

പച്ചയചതുക്കം

ഹേതുപച്ചയാദി

൩൪൨. ഹേതു അസേക്ഖോ ധമ്മോ ഹേതുസ്സ അസേക്ഖസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു അസേക്ഖോ ധമ്മോ ഹേതുസ്സ അസേക്ഖസ്സ ധമ്മസ്സ അധിപതിപച്ചയേന പച്ചയോ – സഹജാതാധിപതി… തീണി.

നഹേതു അസേക്ഖോ ധമ്മോ നഹേതുസ്സ അസേക്ഖസ്സ ധമ്മസ്സ അധിപതിപച്ചയേന പച്ചയോ – സഹജാതാധിപതി… തീണി…പേ….

ഹേതു അസേക്ഖോ ധമ്മോ ഹേതുസ്സ അസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ (സംഖിത്തം).

൩൪൩. ഹേതുയാ തീണി, അധിപതിയാ ഛ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, കമ്മേ തീണി, വിപാകേ നവ, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

പച്ചനീയുദ്ധാരോ

൩൪൪. ഹേതു അസേക്ഖോ ധമ്മോ ഹേതുസ്സ അസേക്ഖസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൩൪൫. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ അധിപതിയാ തീണി (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി നണിതം, ഏവം ഗണേതബ്ബം.)