൧-൪. പച്ചയചതുക്കം

൩൪൭. സരണം ധമ്മം പച്ചയാ സരണോ ധമ്മോ ഉപ്പജ്ജതി ഹേതുപച്ചയാ – സരണം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… (യഥാ അരൂപാവചരദുകസ്സ പച്ചയവാരോപി ഏവം കാതബ്ബോ).

ഹേതുയാ നവ, ആരമ്മണേ ചത്താരി, അധിപതിയാ നവ…പേ… അവിഗതേ നവ.

അനുലോമം.

൩൪൮. സരണം ധമ്മം പച്ചയാ സരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

അരണം ധമ്മം പച്ചയാ അരണോ ധമ്മോ ഉപ്പജ്ജതി നഹേതുപച്ചയാ – അഹേതുകം അരണം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ ഖന്ധാ. അരണം ധമ്മം പച്ചയാ സരണോ ധമ്മോ ഉപ്പജ്ജതി നഹേതുപച്ചയാ – വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സരണഞ്ച അരണഞ്ച ധമ്മം പച്ചയാ സരണോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നഹേതുയാ ചത്താരി, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ ചത്താരി, നപച്ഛാജാതേ നവ, നആസേവനേ നവ, നകമ്മേ ചത്താരി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി.

പച്ചനീയം.