൨. സങ്ഖ്യാവാരോ

൩൨൩. ഹേതുയാ ചത്താരി, ആരമ്മണേ തീണി, അധിപതിയാ പഞ്ച, അനന്തരേ തീണി, സമനന്തരേ തീണി, സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ ദ്വേ, കമ്മേ ചത്താരി, വിപാകേ ഏകം, ആഹാരേ ചത്താരി, ഇന്ദ്രിയേ ചത്താരി, ഝാനേ ചത്താരി, മഗ്ഗേ ചത്താരി, സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത, നത്ഥിയാ തീണി, വിഗതേ തീണി, അവിഗതേ സത്ത.

അനുലോമം.

പച്ചനീയുദ്ധാരോ

൩൨൪. നിയ്യാനികോ ധമ്മോ നിയ്യാനികസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. നിയ്യാനികോ ധമ്മോ അനിയ്യാനികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. നിയ്യാനികോ ധമ്മോ നിയ്യാനികസ്സ ച അനിയ്യാനികസ്സ ച ധമ്മസ്സ സഹജാതപച്ചയേന പച്ചയോ. (൩)

൩൨൫. അനിയ്യാനികോ ധമ്മോ അനിയ്യാനികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. അനിയ്യാനികോ ധമ്മോ നിയ്യാനികസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നിയ്യാനികോ ച അനിയ്യാനികോ ച ധമ്മാ നിയ്യാനികസ്സ ധമ്മസ്സ സഹജാതം, പുരേജാതം. നിയ്യാനികോ ച അനിയ്യാനികോ ച ധമ്മാ അനിയ്യാനികസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൩)