൧. വിഭങ്ഗവാരോ

ഹേതുപച്ചയോ

൨൭൯. അരൂപാവചരോ ധമ്മോ അരൂപാവചരസ്സ ധമ്മസ്സ ഹേതുപച്ചയേന പച്ചയോ – അരൂപാവചരാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം.) അരൂപാവചരാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (മൂലം കാതബ്ബം.) അരൂപാവചരാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

നഅരൂപാവചരോ ധമ്മോ നഅരൂപാവചരസ്സ ധമ്മസ്സ ഹേതുപച്ചയേന പച്ചയോ – നഅരൂപാവചരാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൨൮൦. അരൂപാവചരോ ധമ്മോ അരൂപാവചരസ്സ ധമ്മസ്സ ആരമ്മണപച്ചയേന പച്ചയോ – ആകാസാനഞ്ചായതനം വിഞ്ഞാണഞ്ചായതനസ്സ ആരമ്മണപച്ചയേന പച്ചയോ; ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ. അരൂപാവചരോ ധമ്മോ നഅരൂപാവചരസ്സ ധമ്മസ്സ ആരമ്മണപച്ചയേന പച്ചയോ – ആകാസാനഞ്ചായതനം പച്ചവേക്ഖതി, വിഞ്ഞാണഞ്ചായതനം…പേ… ആകിഞ്ചഞ്ഞായതനം…പേ… നേവസഞ്ഞാനാസഞ്ഞായതനം പച്ചവേക്ഖതി, അരൂപാവചരേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ചേതോപരിയഞാണേന അരൂപാവചരചിത്തസമങ്ഗിസ്സ ചിത്തം ജാനാതി, അരൂപാവചരാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

നഅരൂപാവചരോ ധമ്മോ നഅരൂപാവചരസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ രാഗോ…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും നഅരൂപാവചരേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന നഅരൂപാവചരചിത്തസമങ്ഗിസ്സ ചിത്തം ജാനാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നഅരൂപാവചരാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അധിപതിപച്ചയോ

൨൮൧. അരൂപാവചരോ ധമ്മോ അരൂപാവചരസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അരൂപാവചരാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. അരൂപാവചരോ ധമ്മോ നഅരൂപാവചരസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ആകാസാനഞ്ചായതനം ഗരും കത്വാ പച്ചവേക്ഖതി…പേ… നേവസഞ്ഞാനാസഞ്ഞായതനം ഗരും കത്വാ പച്ചവേക്ഖതി, അരൂപാവചരേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അരൂപാവചരാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (മൂലം കാതബ്ബം.) അരൂപാവചരാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൨൮൨. നഅരൂപാവചരോ ധമ്മോ നഅരൂപാവചരസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം…പേ… നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നഅരൂപാവചരേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നഅരൂപാവചരാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അനന്തരപച്ചയാദി

൨൮൩. അരൂപാവചരോ ധമ്മോ അരൂപാവചരസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അരൂപാവചരാ ഖന്ധാ പച്ഛിമാനം പച്ഛിമാനം അരൂപാവചരാനം ഖന്ധാനം അനന്തരപച്ചയേന പച്ചയോ. അരൂപാവചരോ ധമ്മോ നഅരൂപാവചരസ്സ ധമ്മസ്സ അനന്തരപച്ചയേന പച്ചയോ – അരൂപാവചരം ചുതിചിത്തം നഅരൂപാവചരസ്സ ഉപപത്തിചിത്തസ്സ, അരൂപാവചരം ഭവങ്ഗം ആവജ്ജനായ, അരൂപാവചരാ ഖന്ധാ നഅരൂപാവചരസ്സ വുട്ഠാനസ്സ, നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൨)

൨൮൪. നഅരൂപാവചരോ ധമ്മോ നഅരൂപാവചരസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നഅരൂപാവചരാ ഖന്ധാ പച്ഛിമാനം പച്ഛിമാനം നഅരൂപാവചരാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… അനുലോമം ഫലസമാപത്തിയാ അനന്തരപച്ചയേന പച്ചയോ. നഅരൂപാവചരോ ധമ്മോ അരൂപാവചരസ്സ ധമ്മസ്സ അനന്തരപച്ചയേന പച്ചയോ – നഅരൂപാവചരം ചുതിചിത്തം അരൂപാവചരസ്സ ഉപപത്തിചിത്തസ്സ അനന്തരപച്ചയേന പച്ചയോ; നഅരൂപാവചരാ ഖന്ധാ അരൂപാവചരസ്സ വുട്ഠാനസ്സ അനന്തരപച്ചയേന പച്ചയോ; ആകാസാനഞ്ചായതനസ്സ പരികമ്മം ആകാസാനഞ്ചായതനസ്സ അനന്തരപച്ചയേന പച്ചയോ; വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനസ്സ…പേ… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ അനന്തരപച്ചയേന പച്ചയോ. (൨)

സമനന്തരപച്ചയേന പച്ചയോ… സഹജാതപച്ചയേന പച്ചയോ… പഞ്ച… അഞ്ഞമഞ്ഞപച്ചയേന പച്ചയോ… ദ്വേ… നിസ്സയപച്ചയേന പച്ചയോ… സത്ത.

ഉപനിസ്സയപച്ചയോ

൨൮൫. അരൂപാവചരോ ധമ്മോ അരൂപാവചരസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആകാസാനഞ്ചായതനം വിഞ്ഞാണഞ്ചായതനസ്സ ഉപനിസ്സയപച്ചയേന പച്ചയോ; വിഞ്ഞാണഞ്ചായതനം ആകിഞ്ചഞ്ഞായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. അരൂപാവചരോ ധമ്മോ നഅരൂപാവചരസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അരൂപാവചരം സദ്ധം ഉപനിസ്സായ ദാനം ദേതി, സീലം…പേ… ഉപോസഥകമ്മം കരോതി, നഅരൂപാവചരം ഝാനം ഉപ്പാദേതി, വിപസ്സനം…പേ… മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; അരൂപാവചരം സീലം…പേ… പഞ്ഞം ഉപനിസ്സായ ദാനം ദേതി…പേ… സമാപത്തിം ഉപ്പാദേതി… മാനം ജപ്പേതി… ദിട്ഠിം ഗണ്ഹാതി; അരൂപാവചരാ സദ്ധാ…പേ… പഞ്ഞാ നഅരൂപാവചരായ സദ്ധായ…പേ… പഞ്ഞായ… രാഗസ്സ…പേ… പത്ഥനായ… കായികസ്സ സുഖസ്സ… കായികസ്സ ദുക്ഖസ്സ… മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൨)

൨൮൬. നഅരൂപാവചരോ ധമ്മോ നഅരൂപാവചരസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നഅരൂപാവചരം സദ്ധം ഉപനിസ്സായ ദാനം ദേതി, സീലം…പേ… ഉപോസഥകമ്മം കരോതി, നഅരൂപാവചരം ഝാനം ഉപ്പാദേതി, വിപസ്സനം…പേ… മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി… ദിട്ഠിം ഗണ്ഹാതി; നഅരൂപാവചരം സീലം…പേ… പഞ്ഞം…പേ… രാഗം…പേ… പത്ഥനം…പേ… കായികം സുഖം… കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി… പാണം ഹനതി…പേ… സങ്ഘം ഭിന്ദതി; നഅരൂപാവചരാ സദ്ധാ…പേ… സേനാസനം നഅരൂപാവചരായ സദ്ധായ…പേ… പത്ഥനായ… കായികസ്സ സുഖസ്സ… കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

നഅരൂപാവചരോ ധമ്മോ അരൂപാവചരസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആകാസാനഞ്ചായതനസ്സ പരികമ്മം ആകാസാനഞ്ചായതനസ്സ ഉപനിസ്സയപച്ചയേന പച്ചയോ…പേ… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. (൨)

പുരേജാതപച്ചയാദി

൨൮൭. നഅരൂപാവചരോ ധമ്മോ നഅരൂപാവചരസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നഅരൂപാവചരാനം ഖന്ധാനം പുരേജാതപച്ചയേന പച്ചയോ. നഅരൂപാവചരോ ധമ്മോ അരൂപാവചരസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു അരൂപാവചരാനം ഖന്ധാനം പുരേജാതപച്ചയേന പച്ചയോ. (൨)

പച്ഛാജാതപച്ചയേന പച്ചയോ… ദ്വേ… ആസേവനപച്ചയേന പച്ചയോ… തീണി.

കമ്മപച്ചയോ

൨൮൮. അരൂപാവചരോ ധമ്മോ അരൂപാവചരസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ…പേ…. അരൂപാവചരോ ധമ്മോ നഅരൂപാവചരസ്സ ധമ്മസ്സ കമ്മപച്ചയേന പച്ചയോ – അരൂപാവചരാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (മൂലം കാതബ്ബം.) അരൂപാവചരാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

നഅരൂപാവചരോ ധമ്മോ നഅരൂപാവചരസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നഅരൂപാവചരാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ (സംഖിത്തം). (൧)

വിപാകപച്ചയാദി

൨൮൯. അരൂപാവചരോ ധമ്മോ അരൂപാവചരസ്സ ധമ്മസ്സ വിപാകപച്ചയേന പച്ചയോ (സംഖിത്തം).

നഅരൂപാവചരോ ധമ്മോ നഅരൂപാവചരസ്സ ധമ്മസ്സ വിപാകപച്ചയേന പച്ചയോ (സംഖിത്തം)… ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… ചത്താരി… മഗ്ഗപച്ചയേന പച്ചയോ… ചത്താരി… സമ്പയുത്തപച്ചയേന പച്ചയോ… ദ്വേ.

വിപ്പയുത്തപച്ചയോ

൨൯൦. അരൂപാവചരോ ധമ്മോ നഅരൂപാവചരസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നഅരൂപാവചരോ ധമ്മോ നഅരൂപാവചരസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). നഅരൂപാവചരോ ധമ്മോ അരൂപാവചരസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അരൂപാവചരാനം ഖന്ധാനം വിപ്പയുത്തപച്ചയേന പച്ചയോ. (൨)

അത്ഥിപച്ചയാദി

൨൯൧. അരൂപാവചരോ ധമ്മോ അരൂപാവചരസ്സ ധമ്മസ്സ അത്ഥിപച്ചയേന പച്ചയോ – സഹജാതം…പേ…. അരൂപാവചരോ ധമ്മോ നഅരൂപാവചരസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം…പേ…. അരൂപാവചരോ ധമ്മോ അരൂപാവചരസ്സ ച നഅരൂപാവചരസ്സ ച ധമ്മസ്സ അത്ഥിപച്ചയേന പച്ചയോ – സഹജാതം (സംഖിത്തം). (൩)

നഅരൂപാവചരോ ധമ്മോ നഅരൂപാവചരസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). നഅരൂപാവചരോ ധമ്മോ അരൂപാവചരസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അരൂപാവചരാനം ഖന്ധാനം അത്ഥിപച്ചയേന പച്ചയോ. (൨)

൨൯൨. അരൂപാവചരോ ച നഅരൂപാവചരോ ച ധമ്മാ അരൂപാവചരസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – അരൂപാവചരോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. അരൂപാവചരോ ച നഅരൂപാവചരോ ച ധമ്മാ നഅരൂപാവചരസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – അരൂപാവചരാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അരൂപാവചരാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – അരൂപാവചരാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.