൧. വിഭങ്ഗവാരോ

നഹേതു-നആരമ്മണപച്ചയാ

൨൬൮. നഅരൂപാവചരം ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നഹേതുപച്ചയാ – അഹേതുകം നഅരൂപാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം …പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧) നആരമ്മണപച്ചയാ… തീണി.

നഅധിപതിപച്ചയാദി

൨൬൯. അരൂപാവചരം ധമ്മം പടിച്ച അരൂപാവചരോ ധമ്മോ ഉപ്പജ്ജതി നഅധിപതിപച്ചയാ – അരൂപാവചരേ ഖന്ധേ പടിച്ച അരൂപാവചരാധിപതി, വിപാകം അരൂപാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

നഅരൂപാവചരം ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നഅധിപതിപച്ചയാ – നഅരൂപാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ …പേ… പടിസന്ധിക്ഖണേ…പേ… (യാവ അസഞ്ഞസത്താ). (൧) നഅനന്തരപച്ചയാ…പേ… നഉപനിസ്സയപച്ചയാ.

നപുരേജാതപച്ചയാദി

൨൭൦. അരൂപാവചരം ധമ്മം പടിച്ച അരൂപാവചരോ ധമ്മോ ഉപ്പജ്ജതി നപുരേജാതപച്ചയാ – അരൂപേ അരൂപാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (മൂലം കാതബ്ബം.) അരൂപാവചരേ ഖന്ധേ പടിച്ച ചിത്തസമുട്ഠാനം രൂപം. (൨)

നഅരൂപാവചരം ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നപുരേജാതപച്ചയാ – അരൂപേ നഅരൂപാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അസഞ്ഞസത്താ). (൧)

അരൂപാവചരഞ്ച നഅരൂപാവചരഞ്ച ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നപുരേജാതപച്ചയാ – അരൂപാവചരേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧) നപച്ഛാജാതപച്ചയാ….

നആസേവനപച്ചയോ

൨൭൧. അരൂപാവചരം ധമ്മം പടിച്ച അരൂപാവചരോ ധമ്മോ ഉപ്പജ്ജതി നആസേവനപച്ചയാ – വിപാകം അരൂപാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. അരൂപാവചരം ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നആസേവനപച്ചയാ – അരൂപാവചരേ ഖന്ധേ പടിച്ച ചിത്തസമുട്ഠാനം രൂപം. (൨)

നഅരൂപാവചരം ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നആസേവനപച്ചയാ – നഅരൂപാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (യാവ അസഞ്ഞസത്താ). (൧)

അരൂപാവചരഞ്ച നഅരൂപാവചരഞ്ച ധമ്മം പടിച്ച നഅരൂപാവചരോ ധമ്മോ ഉപ്പജ്ജതി നആസേവനപച്ചയാ – അരൂപാവചരേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧) (സംഖിത്തം.)