൧. വിഭങ്ഗവാരോ

നഹേതുപച്ചയോ

൨൪൦. നരൂപാവചരം ധമ്മം പച്ചയാ നരൂപാവചരോ ധമ്മോ ഉപ്പജ്ജതി നഹേതുപച്ചയാ – അഹേതുകം നരൂപാവചരം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ നരൂപാവചരാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧) (സംഖിത്തം.)

നഅധിപതിപച്ചയോ

൨൪൧. രൂപാവചരം ധമ്മം പച്ചയാ രൂപാവചരോ ധമ്മോ ഉപ്പജ്ജതി നഅധിപതിപച്ചയാ… തീണി (പടിച്ചവാരസദിസം).

നരൂപാവചരം ധമ്മം പച്ചയാ നരൂപാവചരോ ധമ്മോ ഉപ്പജ്ജതി നഅധിപതിപച്ചയാ (പടിച്ചവാരസദിസം). നരൂപാവചരം ധമ്മം പച്ചയാ രൂപാവചരോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ രൂപാവചരാധിപതി, വത്ഥും പച്ചയാ വിപാകാ രൂപാവചരാ ഖന്ധാ; പടിസന്ധിക്ഖണേ…പേ…. നരൂപാവചരം ധമ്മം പച്ചയാ രൂപാവചരോ ച നരൂപാവചരോ ച ധമ്മാ ഉപ്പജ്ജന്തി നഅധിപതിപച്ചയാ – വത്ഥും പച്ചയാ വിപാകാ രൂപാവചരാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)

൨൪൨. രൂപാവചരഞ്ച നരൂപാവചരഞ്ച ധമ്മം പച്ചയാ രൂപാവചരോ ധമ്മോ ഉപ്പജ്ജതി നഅധിപതിപച്ചയാ – രൂപാവചരേ ഖന്ധേ ച വത്ഥുഞ്ച പച്ചയാ രൂപാവചരാധിപതി, വിപാകം രൂപാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ രൂപാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. രൂപാവചരഞ്ച നരൂപാവചരഞ്ച ധമ്മം പച്ചയാ നരൂപാവചരോ ധമ്മോ ഉപ്പജ്ജതി നഅധിപതിപച്ചയാ – വിപാകേ രൂപാവചരേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. രൂപാവചരഞ്ച നരൂപാവചരഞ്ച ധമ്മം പച്ചയാ രൂപാവചരോ ച നരൂപാവചരോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം രൂപാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… വിപാകേ രൂപാവചരേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩) (സംഖിത്തം.)