൧. വിഭങ്ഗവാരോ

ഹേതുപച്ചയോ

൨൩൭. രൂപാവചരം ധമ്മം പച്ചയാ രൂപാവചരോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസം).

നരൂപാവചരം ധമ്മം പച്ചയാ നരൂപാവചരോ ധമ്മോ ഉപ്പജ്ജതി ഹേതുപച്ചയാ – നരൂപാവചരം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (യാവ അജ്ഝത്തികം മഹാഭൂതം) വത്ഥും പച്ചയാ നരൂപാവചരാ ഖന്ധാ. നരൂപാവചരം ധമ്മം പച്ചയാ രൂപാവചരോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ രൂപാവചരാ ഖന്ധാ; പടിസന്ധിക്ഖണേ…പേ…. നരൂപാവചരം ധമ്മം പച്ചയാ രൂപാവചരോ ച നരൂപാവചരോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ രൂപാവചരാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)

൨൩൮. രൂപാവചരഞ്ച നരൂപാവചരഞ്ച ധമ്മം പച്ചയാ രൂപാവചരോ ധമ്മോ ഉപ്പജ്ജതി ഹേതുപച്ചയാ – രൂപാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ…പേ…. രൂപാവചരഞ്ച നരൂപാവചരഞ്ച ധമ്മം പച്ചയാ നരൂപാവചരോ ധമ്മോ ഉപ്പജ്ജതി ഹേതുപച്ചയാ – രൂപാവചരേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. രൂപാവചരഞ്ച നരൂപാവചരഞ്ച ധമ്മം പച്ചയാ രൂപാവചരോ ച നരൂപാവചരോ ച ധമ്മാ ഉപ്പജ്ജന്തി ഹേതുപച്ചയാ – രൂപാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… രൂപാവചരേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩) (സംഖിത്തം.)