൧. വിഭങ്ഗവാരോ

ഹേതുപച്ചയോ

൨൨൬. രൂപാവചരം ധമ്മം പടിച്ച രൂപാവചരോ ധമ്മോ ഉപ്പജ്ജതി ഹേതുപച്ചയാ – രൂപാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. രൂപാവചരം ധമ്മം പടിച്ച നരൂപാവചരോ ധമ്മോ ഉപ്പജ്ജതി ഹേതുപച്ചയാ – രൂപാവചരേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. രൂപാവചരം ധമ്മം പടിച്ച രൂപാവചരോ ച നരൂപാവചരോ ച ധമ്മാ ഉപ്പജ്ജന്തി ഹേതുപച്ചയാ – രൂപാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൨൨൭. നരൂപാവചരം ധമ്മം പടിച്ച നരൂപാവചരോ ധമ്മോ ഉപ്പജ്ജതി ഹേതുപച്ചയാ – നരൂപാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ …പേ… ഏകം മഹാഭൂതം…പേ…. നരൂപാവചരം ധമ്മം പടിച്ച രൂപാവചരോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച രൂപാവചരാ ഖന്ധാ. നരൂപാവചരം ധമ്മം പടിച്ച രൂപാവചരോ ച നരൂപാവചരോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വത്ഥും പടിച്ച രൂപാവചരാ ഖന്ധാ, മഹാഭൂതേ പടിച്ച കടത്താരൂപം. (൩)

൨൨൮. രൂപാവചരഞ്ച നരൂപാവചരഞ്ച ധമ്മം പടിച്ച രൂപാവചരോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ രൂപാവചരം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. രൂപാവചരഞ്ച നരൂപാവചരഞ്ച ധമ്മം പടിച്ച നരൂപാവചരോ ധമ്മോ ഉപ്പജ്ജതി ഹേതുപച്ചയാ – രൂപാവചരേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ രൂപാവചരേ ഖന്ധേ ച മഹാഭൂതേ ച പടിച്ച കടത്താരൂപം. രൂപാവചരഞ്ച നരൂപാവചരഞ്ച ധമ്മം പടിച്ച രൂപാവചരോ ച നരൂപാവചരോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ രൂപാവചരം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… രൂപാവചരേ ഖന്ധേ ച മഹാഭൂതേ ച പടിച്ച കടത്താരൂപം (സംഖിത്തം). (൩)