൨. സങ്ഖ്യാവാരോ

സുദ്ധം

൨൨൦. ഹേതുയാ ചത്താരി, ആരമ്മണേ ചത്താരി, അധിപതിയാ ചത്താരി, അനന്തരേ ചത്താരി, സമനന്തരേ ചത്താരി, സഹജാതേ സത്ത, അഞ്ഞമഞ്ഞേ ഛ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ തീണി, കമ്മേ ചത്താരി, വിപാകേ ചത്താരി, ആഹാരേ ചത്താരി, ഇന്ദ്രിയേ ചത്താരി, ഝാനേ ചത്താരി, മഗ്ഗേ ചത്താരി, സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത, നത്ഥിയാ ചത്താരി, വിഗതേ ചത്താരി, അവിഗതേ സത്ത.

൨. പച്ചനീയുദ്ധാരോ

൨൨൧. കാമാവചരോ ധമ്മോ കാമാവചരസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. കാമാവചരോ ധമ്മോ നകാമാവചരസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

൨൨൨. നകാമാവചരോ ധമ്മോ നകാമാവചരസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. നകാമാവചരോ ധമ്മോ കാമാവചരസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. നകാമാവചരോ ധമ്മോ കാമാവചരസ്സ ച നകാമാവചരസ്സ ച ധമ്മസ്സ സഹജാതപച്ചയേന പച്ചയോ… കമ്മപച്ചയേന പച്ചയോ. (൩)

കാമാവചരോ ച നകാമാവചരോ ച ധമ്മാ കാമാവചരസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. കാമാവചരോ ച നകാമാവചരോ ച ധമ്മാ നകാമാവചരസ്സ ധമ്മസ്സ സഹജാതം, പുരേജാതം. (൨)