൧-൪. പച്ചയാനുലോമാദി

ഹേതുപച്ചയോ

൨൦൨. കാമാവചരം ധമ്മം പച്ചയാ കാമാവചരോ ധമ്മോ ഉപ്പജ്ജതി ഹേതുപച്ചയാ – കാമാവചരം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം …പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അജ്ഝത്തികാ മഹാഭൂതാ) വത്ഥും പച്ചയാ കാമാവചരാ ഖന്ധാ. കാമാവചരം ധമ്മം പച്ചയാ നകാമാവചരോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ നകാമാവചരാ ഖന്ധാ; പടിസന്ധിക്ഖണേ…പേ…. കാമാവചരം ധമ്മം പച്ചയാ കാമാവചരോ ച നകാമാവചരോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ നകാമാവചരാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)

നകാമാവചരം ധമ്മം പച്ചയാ നകാമാവചരോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസാ).

കാമാവചരഞ്ച നകാമാവചരഞ്ച ധമ്മം പച്ചയാ കാമാവചരോ ധമ്മോ ഉപ്പജ്ജതി ഹേതുപച്ചയാ (പടിച്ചസദിസാ). കാമാവചരഞ്ച നകാമാവചരഞ്ച ധമ്മം പച്ചയാ നകാമാവചരോ ധമ്മോ ഉപ്പജ്ജതി ഹേതുപച്ചയാ – നകാമാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ…പേ…. കാമാവചരഞ്ച നകാമാവചരഞ്ച ധമ്മം പച്ചയാ കാമാവചരോ ച നകാമാവചരോ ച ധമ്മാ ഉപ്പജ്ജന്തി ഹേതുപച്ചയാ – നകാമാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… നകാമാവചരേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩) (സംഖിത്തം.)

ഹേതുയാ നവ, ആരമ്മണേ ചത്താരി, അധിപതിയാ നവ, അനന്തരേ ചത്താരി, സമനന്തരേ ചത്താരി, സഹജാതേ നവ, അഞ്ഞമഞ്ഞേ ഛ, നിസ്സയേ നവ, ഉപനിസ്സയേ ചത്താരി, പുരേജാതേ ചത്താരി, ആസേവനേ ചത്താരി, കമ്മേ നവ…പേ… അവിഗതേ നവ.

അനുലോമം.

നഹേതുപച്ചയാദി

൨൦൩. കാമാവചരം ധമ്മം പച്ചയാ കാമാവചരോ ധമ്മോ ഉപ്പജ്ജതി നഹേതുപച്ചയാ – അഹേതുകം കാമാവചരം ഏകം ഖന്ധം പച്ചയാ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ കാമാവചരാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയാ… തീണി.

നഅധിപതിപച്ചയാദി

൨൦൪. കാമാവചരം ധമ്മം പച്ചയാ കാമാവചരോ ധമ്മോ ഉപ്പജ്ജതി നഅധിപതിപച്ചയാ… ഏകം (യാവ അസഞ്ഞസത്താ). കാമാവചരം ധമ്മം പച്ചയാ നകാമാവചരോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ നകാമാവചരാധിപതി, വത്ഥും പച്ചയാ വിപാകാ നകാമാവചരാ ഖന്ധാ; പടിസന്ധിക്ഖണേ…പേ…. കാമാവചരം ധമ്മം പച്ചയാ കാമാവചരോ ച നകാമാവചരോ ച ധമ്മാ ഉപ്പജ്ജന്തി നഅധിപതിപച്ചയാ – വത്ഥും പച്ചയാ വിപാകാ നകാമാവചരാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)

നകാമാവചരം ധമ്മം പച്ചയാ നകാമാവചരോ ധമ്മോ ഉപ്പജ്ജതി നഅധിപതിപച്ചയാ… തീണി (പടിച്ചസദിസാ).

കാമാവചരഞ്ച നകാമാവചരഞ്ച ധമ്മം പച്ചയാ കാമാവചരോ ധമ്മോ ഉപ്പജ്ജതി നഅധിപതിപച്ചയാ (പടിച്ചസദിസാ. മൂലം കാതബ്ബം.) നകാമാവചരേ ഖന്ധേ ച വത്ഥുഞ്ച പച്ചയാ നകാമാവചരാധിപതി, വിപാകം നകാമാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ…പേ…. (മൂലം കാതബ്ബം.) വിപാകം നകാമാവചരം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… വിപാകേ നകാമാവചരേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)

നഉപനിസ്സയപച്ചയാ… തീണി… നആസേവനപച്ചയാ (സുദ്ധകേ അരൂപമിസ്സകേ ച ‘‘വിപാക’’ന്തി നിയാമേതബ്ബം, രൂപമിസ്സകേ നത്ഥി. സംഖിത്തം).

സുദ്ധം

നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ ചത്താരി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി.

പച്ചനീയം.