൧. വിഭങ്ഗവാരോ

നഹേതുപച്ചയാദി

൧൯൮. കാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി നഹേതുപച്ചയാ – അഹേതുകം കാമാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയാ… തീണി.

നഅധിപതിപച്ചയാദി

൧൯൯. കാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി നഅധിപതിപച്ചയാ… തീണി.

നകാമാവചരം ധമ്മം പടിച്ച നകാമാവചരോ ധമ്മോ ഉപ്പജ്ജതി നഅധിപതിപച്ചയാ – നകാമാവചരേ ഖന്ധേ പടിച്ച നകാമാവചരാധിപതി, വിപാകം നകാമാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. നകാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി നഅധിപതിപച്ചയാ – വിപാകേ നകാമാവചരേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. നകാമാവചരം ധമ്മം പടിച്ച കാമാവചരോ ച നകാമാവചരോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം നകാമാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

കാമാവചരഞ്ച നകാമാവചരഞ്ച ധമ്മം പടിച്ച കാമാവചരോ ധമ്മോ ഉപ്പജ്ജതി നഅധിപതിപച്ചയാ – വിപാകേ നകാമാവചരേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (ഇതരേ ദ്വേ പാകതികാ) നഅനന്തരപച്ചയാ…പേ… നപുരേജാതപച്ചയാ… നപച്ഛാജാതപച്ചയാ.

നആസേവനപച്ചയോ

൨൦൦. കാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി നആസേവനപച്ചയാ… തീണി.

നകാമാവചരം ധമ്മം പടിച്ച നകാമാവചരോ ധമ്മോ ഉപ്പജ്ജതി നആസേവനപച്ചയാ – വിപാകം നകാമാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. നകാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി നആസേവനപച്ചയാ – നകാമാവചരേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (മൂലം കാതബ്ബം) വിപാകം നകാമാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

(അവസേസാ തീണി പാകതികാ. സംഖിത്തം.)