൧. വിഭങ്ഗവാരോ

ഹേതുപച്ചയോ

൧൯൪. കാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി ഹേതുപച്ചയാ – കാമാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഏകം മഹാഭൂതം…പേ… (സംഖിത്തം). കാമാവചരം ധമ്മം പടിച്ച നകാമാവചരോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച നകാമാവചരാ ഖന്ധാ. കാമാവചരം ധമ്മം പടിച്ച കാമാവചരോ ച നകാമാവചരോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വത്ഥും പടിച്ച നകാമാവചരാ ഖന്ധാ, മഹാഭൂതേ പടിച്ച കടത്താരൂപം. (൩)

൧൯൫. നകാമാവചരം ധമ്മം പടിച്ച നകാമാവചരോ ധമ്മോ ഉപ്പജ്ജതി ഹേതുപച്ചയാ – നകാമാവചരം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. നകാമാവചരം ധമ്മം പടിച്ച കാമാവചരോ ധമ്മോ ഉപ്പജ്ജതി ഹേതുപച്ചയാ – നകാമാവചരേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ നകാമാവചരേ ഖന്ധേ പടിച്ച കടത്താരൂപം. നകാമാവചരം ധമ്മം പടിച്ച കാമാവചരോ ച നകാമാവചരോ ച ധമ്മാ ഉപ്പജ്ജന്തി ഹേതുപച്ചയാ – നകാമാവചരം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൧൯൬. കാമാവചരഞ്ച നകാമാവചരഞ്ച ധമ്മം പടിച്ച കാമാവചരോ ധമ്മോ ഉപ്പജ്ജതി ഹേതുപച്ചയാ – നകാമാവചരേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ നകാമാവചരേ ഖന്ധേ ച മഹാഭൂതേ ച പടിച്ച കടത്താരൂപം. കാമാവചരഞ്ച നകാമാവചരഞ്ച ധമ്മം പടിച്ച നകാമാവചരോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ നകാമാവചരം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. കാമാവചരഞ്ച നകാമാവചരഞ്ച ധമ്മം പടിച്ച കാമാവചരോ ച നകാമാവചരോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ നകാമാവചരം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… നകാമാവചരേ ഖന്ധേ ച മഹാഭൂതേ ച പടിച്ച കടത്താരൂപം. (൩) (സംഖിത്തം.)