൧. വിഭങ്ഗവാരോ

നഹേതുപച്ചയോ

൧൭൯. ഉപേക്ഖാസഹഗതം ധമ്മം പടിച്ച ഉപേക്ഖാസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപേക്ഖാസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. ഉപേക്ഖാസഹഗതം ധമ്മം പടിച്ച നഉപേക്ഖാസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപേക്ഖാസഹഗതേ ഖന്ധേ പടിച്ച ഉപേക്ഖാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ…പേ…. ഉപേക്ഖാസഹഗതം ധമ്മം പടിച്ച ഉപേക്ഖാസഹഗതോ ച നഉപേക്ഖാസഹഗതോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപേക്ഖാസഹഗതം ഏകം ഖന്ധം പടിച്ച ദ്വേ ഖന്ധാ ഉപേക്ഖാ ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ…. (൩)

൧൮൦. നഉപേക്ഖാസഹഗതം ധമ്മം പടിച്ച നഉപേക്ഖാസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകം നഉപേക്ഖാസഹഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകം ഉപേക്ഖം പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ…പേ… ഉപേക്ഖം പടിച്ച വത്ഥു, വത്ഥും പടിച്ച ഉപേക്ഖാ, ഏകം മഹാഭൂതം…പേ… (യാവ അസഞ്ഞസത്താ).

നഉപേക്ഖാസഹഗതം ധമ്മം പടിച്ച ഉപേക്ഖാസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപേക്ഖം പടിച്ച സമ്പയുത്തകാ ഖന്ധാ; അഹേതുകപടിസന്ധിക്ഖണേ ഉപേക്ഖം പടിച്ച സമ്പയുത്തകാ ഖന്ധാ; അഹേതുകപടിസന്ധിക്ഖണേ വത്ഥും പടിച്ച ഉപേക്ഖാസഹഗതാ ഖന്ധാ; വിചികിച്ഛാസഹഗതം ഉദ്ധച്ചസഹഗതം ഉപേക്ഖം പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ.

നഉപേക്ഖാസഹഗതം ധമ്മം പടിച്ച ഉപേക്ഖാസഹഗതോ ച നഉപേക്ഖാസഹഗതോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപേക്ഖം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, അഹേതുകം ഉപേക്ഖം പടിച്ച സമ്പയുത്തകാ ഖന്ധാ, മഹാഭൂതേ പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ ഉപേക്ഖം പടിച്ച സമ്പയുത്തകാ ഖന്ധാ കടത്താ ച രൂപം, അഹേതുകപടിസന്ധിക്ഖണേ ഉപേക്ഖം പടിച്ച സമ്പയുത്തകാ ഖന്ധാ, മഹാഭൂതേ പടിച്ച കടത്താരൂപം, അഹേതുകപടിസന്ധിക്ഖണേ വത്ഥും പടിച്ച ഉപേക്ഖാസഹഗതാ ഖന്ധാ, മഹാഭൂതേ പടിച്ച കടത്താരൂപം, അഹേതുകപടിസന്ധിക്ഖണേ വത്ഥും പടിച്ച ഉപേക്ഖാ ച സമ്പയുത്തകാ ച ഖന്ധാ. (൩)

൧൮൧. ഉപേക്ഖാസഹഗതഞ്ച നഉപേക്ഖാസഹഗതഞ്ച ധമ്മം പടിച്ച ഉപേക്ഖാസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപേക്ഖാസഹഗതം ഏകം ഖന്ധഞ്ച ഉപേക്ഖഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകപടിസന്ധിക്ഖണേ ഉപേക്ഖാസഹഗതം ഏകം ഖന്ധഞ്ച ഉപേക്ഖഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകപടിസന്ധിക്ഖണേ ഉപേക്ഖാസഹഗതം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ; ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച ഉപേക്ഖഞ്ച പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ.

ഉപേക്ഖാസഹഗതഞ്ച നഉപേക്ഖാസഹഗതഞ്ച ധമ്മം പടിച്ച നഉപേക്ഖാസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപേക്ഖാസഹഗതേ ഖന്ധേ ച ഉപേക്ഖഞ്ച പടിച്ച ചിത്തസമുട്ഠാനം രൂപം, അഹേതുകേ ഉപേക്ഖാസഹഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ ഉപേക്ഖാസഹഗതേ ഖന്ധേ ച ഉപേക്ഖഞ്ച പടിച്ച കടത്താരൂപം, അഹേതുകപടിസന്ധിക്ഖണേ ഉപേക്ഖാസഹഗതേ ഖന്ധേ ച മഹാഭൂതേ ച പടിച്ച കടത്താരൂപം, അഹേതുകപടിസന്ധിക്ഖണേ ഉപേക്ഖാസഹഗതേ ഖന്ധേ ച വത്ഥുഞ്ച പടിച്ച ഉപേക്ഖാ.

ഉപേക്ഖാസഹഗതഞ്ച നഉപേക്ഖാസഹഗതഞ്ച ധമ്മം പടിച്ച ഉപേക്ഖാസഹഗതോ ച നഉപേക്ഖാസഹഗതോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപേക്ഖാസഹഗതം ഏകം ഖന്ധഞ്ച ഉപേക്ഖഞ്ച പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകം ഉപേക്ഖാസഹഗതം ഏകം ഖന്ധഞ്ച ഉപേക്ഖഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകേ ഉപേക്ഖാസഹഗതേ ഖന്ധേ ച ഉപേക്ഖഞ്ച മഹാഭൂതേ ച പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ ഉപേക്ഖാസഹഗതം ഏകം ഖന്ധഞ്ച ഉപേക്ഖഞ്ച പടിച്ച ദ്വേ ഖന്ധാ കടത്താ ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ ഉപേക്ഖാസഹഗതം ഏകം ഖന്ധഞ്ച ഉപേക്ഖഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകേ ഉപേക്ഖാസഹഗതേ ഖന്ധേ ച ഉപേക്ഖഞ്ച മഹാഭൂതേ ച പടിച്ച കടത്താരൂപം; അഹേതുകപടിസന്ധിക്ഖണേ ഉപേക്ഖാസഹഗതം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ ഉപേക്ഖാ ച, ദ്വേ ഖന്ധേ…പേ… (സംഖിത്തം). (൩)