൧. വിഭങ്ഗവാരോ

ഹേതുപച്ചയോ

൧൭൦. സുഖസഹഗതോ ധമ്മോ സുഖസഹഗതസ്സ ധമ്മസ്സ ഹേതുപച്ചയേന പച്ചയോ… ചത്താരി. (ആരമ്മണേപി അധിപതിയാപി സപ്പീതികദുകസദിസാ, സുഖന്തി നാനാകരണം.)

അനന്തരപച്ചയാദി

൧൭൧. സുഖസഹഗതോ ധമ്മോ സുഖസഹഗതസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സുഖസഹഗതാ ഖന്ധാ പച്ഛിമാനം പച്ഛിമാനം സുഖസഹഗതാനം ഖന്ധാനം അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ സുഖസഹഗതാ ഖന്ധാ പച്ഛിമസ്സ പച്ഛിമസ്സ സുഖസ്സ അനന്തരപച്ചയേന പച്ചയോ. സുഖസഹഗതം ചുതിചിത്തം നസുഖസഹഗതസ്സ ഉപപത്തിചിത്തസ്സ… സുഖസഹഗതം ഭവങ്ഗം ആവജ്ജനായ… സുഖസഹഗതം കായവിഞ്ഞാണം വിപാകമനോധാതുയാ… സുഖസഹഗതാ വിപാകമനോവിഞ്ഞാണധാതു കിരിയമനോവിഞ്ഞാണധാതുയാ… സുഖസഹഗതം ഭവങ്ഗം നസുഖസഹഗതസ്സ ഭവങ്ഗസ്സ… സുഖസഹഗതം കുസലാകുസലം നസുഖസഹഗതസ്സ വുട്ഠാനസ്സ… കിരിയം വുട്ഠാനസ്സ… ഫലം വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ സുഖസഹഗതാ ഖന്ധാ പച്ഛിമാനം പച്ഛിമാനം സുഖസഹഗതാനം ഖന്ധാനം സുഖസ്സ ച അനന്തരപച്ചയേന പച്ചയോ. (൧)

നസുഖസഹഗതോ ധമ്മോ നസുഖസഹഗതസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നസുഖസഹഗതാ…പേ…. (മൂലം. തീണിപി സപ്പീതികദുകസദിസാ.)

൧൭൨. സുഖസഹഗതോ ച നസുഖസഹഗതോ ച ധമ്മാ സുഖസഹഗതസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സുഖസഹഗതാ ഖന്ധാ ച സുഖഞ്ച പച്ഛിമാനം പച്ഛിമാനം സുഖസഹഗതാനം ഖന്ധാനം അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ സുഖസഹഗതാ ഖന്ധാ ച സുഖഞ്ച പച്ഛിമസ്സ പച്ഛിമസ്സ സുഖസ്സ അനന്തരപച്ചയേന പച്ചയോ; സുഖസഹഗതം ചുതിചിത്തഞ്ച സുഖഞ്ച നസുഖസഹഗതസ്സ ഉപപത്തിചിത്തസ്സ സുഖസഹഗതം ഭവങ്ഗഞ്ച സുഖഞ്ച ആവജ്ജനായ … സുഖസഹഗതം കായവിഞ്ഞാണഞ്ച സുഖഞ്ച വിപാകമനോധാതുയാ… സുഖസഹഗതാ വിപാകമനോവിഞ്ഞാണധാതു ച സുഖഞ്ച കിരിയമനോവിഞ്ഞാണധാതുയാ… സുഖസഹഗതം ഭവങ്ഗഞ്ച സുഖഞ്ച നസുഖസഹഗതസ്സ ഭവങ്ഗസ്സ… സുഖസഹഗതം കുസലാകുസലഞ്ച സുഖഞ്ച നസുഖസഹഗതസ്സ വുട്ഠാനസ്സ… കിരിയം വുട്ഠാനസ്സ… ഫലം വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ സുഖസഹഗതാ ഖന്ധാ ച സുഖഞ്ച പച്ഛിമാനം പച്ഛിമാനം സുഖസഹഗതാനം ഖന്ധാനം സുഖസ്സ ച അനന്തരപച്ചയേന പച്ചയോ. (൩)

സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ.

ഉപനിസ്സയപച്ചയോ

൧൭൩. സുഖസഹഗതോ ധമ്മോ സുഖസഹഗതസ്സ ധമ്മസ്സ ഉപനിസ്സയപച്ചയേന പച്ചയോ… തീണി.

നസുഖസഹഗതോ ധമ്മോ നസുഖസഹഗതസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നസുഖസഹഗതം സദ്ധം ഉപനിസ്സായ നസുഖസഹഗതേന ചിത്തേന ദാനം ദേതി, സീലം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; നസുഖസഹഗതം സീലം…പേ… പഞ്ഞം… രാഗം…പേ… പത്ഥനം… കായികം സുഖം… കായികം ദുക്ഖം… ഉതും… ഭോജനം… സേനാസനം സുഖം ഉപനിസ്സായ നസുഖസഹഗതേന ചിത്തേന ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; നസുഖസഹഗതാ സദ്ധാ…പേ… സേനാസനം സുഖഞ്ച നസുഖസഹഗതായ സദ്ധായ…പേ… പഞ്ഞായ… രാഗസ്സ… ദോസസ്സ…പേ… പത്ഥനായ… കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ സുഖസ്സ ച ഉപനിസ്സയപച്ചയേന പച്ചയോ. (൧)

നസുഖസഹഗതോ ധമ്മോ സുഖസഹഗതസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നസുഖസഹഗതം സദ്ധം ഉപനിസ്സായ സുഖസഹഗതേന ചിത്തേന ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; നസുഖസഹഗതം സീലം…പേ… പഞ്ഞം… രാഗം…പേ… പത്ഥനം… കായികം സുഖം… കായികം ദുക്ഖം… ഉതും… ഭോജനം… സേനാസനം സുഖം ഉപനിസ്സായ സുഖസഹഗതേന ചിത്തേന ദാനം ദേതി…പേ… സമാപത്തിം ഉപ്പാദേതി; സുഖസഹഗതേന ചിത്തേന അദിന്നം ആദിയതി; മുസാ…പേ… പിസുണം…പേ… സമ്ഫം…പേ… സന്ധിം…പേ… നില്ലോപം…പേ… ഏകാഗാരികം…പേ… പരിപന്ഥേ…പേ… പരദാരം…പേ… ഗാമഘാതം…പേ… നിഗമഘാതം കരോതി; നസുഖസഹഗതാ സദ്ധാ…പേ… സേനാസനം സുഖഞ്ച സുഖസഹഗതായ സദ്ധായ…പേ… പഞ്ഞായ… രാഗസ്സ… മാനസ്സ… ദിട്ഠിയാ… പത്ഥനായ… കായികസ്സ സുഖസ്സ… മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൨)

നസുഖസഹഗതോ ധമ്മോ സുഖസഹഗതസ്സ ച നസുഖസഹഗതസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നസുഖസഹഗതം സദ്ധം ഉപനിസ്സായ സുഖസഹഗതേന ചിത്തേന ദാനം ദേതി…പേ… (ദുതിയഗമനസദിസം) മാനം ജപ്പേതി, ദിട്ഠിം ഗണ്ഹാതി; നസുഖസഹഗതം സീലം…പേ… സേനാസനം സുഖം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, സുഖസഹഗതേന ചിത്തേന അദിന്നം ആദിയതി…പേ… നസുഖസഹഗതാ സദ്ധാ…പേ… സേനാസനം സുഖഞ്ച സുഖസഹഗതായ … സദ്ധായ…പേ… പത്ഥനായ … കായികസ്സ സുഖസ്സ, മഗ്ഗസ്സ, ഫലസമാപത്തിയാ സുഖസ്സ ച ഉപനിസ്സയപച്ചയേന പച്ചയോ. (൩)

സുഖസഹഗതോ ച നസുഖസഹഗതോ ച ധമ്മാ സുഖസഹഗതസ്സ ധമ്മസ്സ ഉപനിസ്സയപച്ചയേന പച്ചയോ… തീണി.

പുരേജാതപച്ചയാദി

൧൭൪. നസുഖസഹഗതോ ധമ്മോ നസുഖസഹഗതസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും നസുഖസഹഗതേന ചിത്തേന അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ നസുഖസഹഗതോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, സുഖം ഉപ്പജ്ജതി, ദിബ്ബേന ചക്ഖുനാ രൂപം പസ്സതി…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നസുഖസഹഗതാനം ഖന്ധാനം സുഖസ്സ ച പുരേജാതപച്ചയേന പച്ചയോ. (൧)

നസുഖസഹഗതോ ധമ്മോ സുഖസഹഗതസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും സുഖസഹഗതേന ചിത്തേന അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ സുഖസഹഗതോ രാഗോ ഉപ്പജ്ജതി, ദിട്ഠി ഉപ്പജ്ജതി. വത്ഥുപുരേജാതം – വത്ഥു സുഖസഹഗതാനം ഖന്ധാനം പുരേജാതപച്ചയേന പച്ചയോ. (൨)

നസുഖസഹഗതോ ധമ്മോ സുഖസഹഗതസ്സ ച നസുഖസഹഗതസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും സുഖസഹഗതേന ചിത്തേന അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ സുഖഞ്ച സമ്പയുത്തകാ ഖന്ധാ ച ഉപ്പജ്ജന്തി. വത്ഥുപുരേജാതം – വത്ഥു സുഖസഹഗതാനം ഖന്ധാനം സുഖസ്സ ച പുരേജാതപച്ചയേന പച്ചയോ. (൩)

പച്ഛാജാതപച്ചയേന പച്ചയോ… തീണി… ആസേവനപച്ചയേന പച്ചയോ… നവ.

കമ്മപച്ചയാദി

൧൭൫. സുഖസഹഗതോ ധമ്മോ സുഖസഹഗതസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. (ഛ കമ്മാനി ചത്താരി സഹജാതാപി നാനാക്ഖണികാപി കാതബ്ബാ, ദ്വേ നാനാക്ഖണികാ.)… വിപാകപച്ചയേന പച്ചയോ… നവ… ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… നവ… ഝാനപച്ചയേന പച്ചയോ… നവ… മഗ്ഗപച്ചയേന പച്ചയോ… ചത്താരി… സമ്പയുത്തപച്ചയേന പച്ചയോ… ഛ… വിപ്പയുത്തപച്ചയേന പച്ചയോ… പഞ്ച… അത്ഥിപച്ചയേന പച്ചയോ… നവ… നത്ഥിപച്ചയേന പച്ചയോ… നവ… വിഗതപച്ചയേന പച്ചയോ… നവ… അവിഗതപച്ചയേന പച്ചയോ… നവ.