൧-൪. പച്ചയാനുലോമാദി

ഹേതുപച്ചയോ

൧൬൮. സുഖസഹഗതം ധമ്മം പടിച്ച സുഖസഹഗതോ ധമ്മോ ഉപ്പജ്ജതി ഹേതുപച്ചയാ – സുഖസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; പടിസന്ധിക്ഖണേ…പേ…. സുഖസഹഗതം ധമ്മം പടിച്ച നസുഖസഹഗതോ ധമ്മോ ഉപ്പജ്ജതി ഹേതുപച്ചയാ – സുഖസഹഗതേ ഖന്ധേ പടിച്ച സുഖം ചിത്തസമുട്ഠാനഞ്ച രൂപം. (ഏവം സുഖസഹഗതദുകം വിത്ഥാരേതബ്ബം, യഥാ സപ്പീതികദുകസ്സ അനുലോമപടിച്ചവാരോ.)

ഹേതുയാ നവ, ആരമ്മണേ നവ…പേ… പുരേജാതേ ഛ, ആസേവനേ ഛ, കമ്മേ നവ…പേ… അവിഗതേ നവ.

അനുലോമം.

൧൬൯. സുഖസഹഗതം ധമ്മം പടിച്ച സുഖസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകം സുഖസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… (മൂലം കാതബ്ബം.) അഹേതുകേ സുഖസഹഗതേ ഖന്ധേ പടിച്ച സുഖഞ്ച ചിത്തസമുട്ഠാനഞ്ച രൂപം. സുഖസഹഗതം ധമ്മം പടിച്ച സുഖസഹഗതോ ച നസുഖസഹഗതോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം സുഖസഹഗതം ഏകം ഖന്ധം പടിച്ച ദ്വേ ഖന്ധാ സുഖഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ…. (൩)

നസുഖസഹഗതം ധമ്മം പടിച്ച നസുഖസഹഗതോ ധമ്മോ ഉപ്പജ്ജതി നഹേതുപച്ചയാ – അഹേതുകം നസുഖസഹഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകം സുഖം പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ നസുഖസഹഗതം ഏകം ഖന്ധം പടിച്ച തയോ ഖന്ധാ കടത്താ ച രൂപം …പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ…. (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (യഥാ സപ്പീതികേ നഹേതുപച്ചയസദിസം, നിന്നാനം സബ്ബത്ഥമേവ നവ പഞ്ഹാ.)

നഹേതുയാ നവ, നആരമ്മണേ തീണി…പേ… നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ ചത്താരി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഛ, നമഗ്ഗേ നവ, നസമ്പയുത്തേ തീണി, നവിപ്പയുത്തേ ഛ, നോനത്ഥിയാ തീണി, നോവിഗതേ തീണി.

പച്ചനീയം.

(ഏവം ഇതരേ ദ്വേ ഗണനാപി സഹജാതവാരോപി പടിച്ചവാരസദിസാ. പച്ചയവാരേ പവത്തിപി പടിസന്ധിപി വിത്ഥാരേതബ്ബാ, യഥാ സപ്പീതികദുകപച്ചയവാരപച്ചനീയേപി പവത്തേ വത്ഥു ച വിത്ഥാരേതബ്ബം, യഥാ സപ്പീതികദുകേ ഏകോയേവ മോഹോ, ഏവം ഇതരേ ദ്വേ ഗണനാപി നിസ്സയവാരോപി സംസട്ഠവാരോപി സമ്പയുത്തവാരോപി യഥാ സപ്പീതികദുകം, ഏവം കാതബ്ബം.)