൧-൪. പച്ചയാനുലോമാദി

൧൪൭. സപ്പീതികം ധമ്മം പച്ചയാ സപ്പീതികോ ധമ്മോ ഉപ്പജ്ജതി ഹേതുപച്ചയാ. (സംഖിത്തം. യഥാ സവിതക്കദുകേ അനുലോമപച്ചയവാരം, ഏവം പവത്തിപടിസന്ധി നവ പഞ്ഹാ പരിപുണ്ണാ പീതി നിന്നാനാകരണാ.)

ഹേതുയാ നവ, ആരമ്മണേ നവ, അധിപതിയാ നവ…പേ… അവിഗതേ നവ.

അനുലോമം.

സപ്പീതികം ധമ്മം പച്ചയാ സപ്പീതികോ ധമ്മോ ഉപ്പജ്ജതി നഹേതുപച്ചയാ… തീണി (പടിച്ചസദിസാ).

അപ്പീതികം ധമ്മം പച്ചയാ അപ്പീതികോ ധമ്മോ ഉപ്പജ്ജതി നഹേതുപച്ചയാ. (പവത്തിപടിസന്ധി കാതബ്ബാ പടിച്ചവാരസദിസാ, യാവ അസഞ്ഞസത്താ.) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ അപ്പീതികാ ഖന്ധാ പീതി ച, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (അനുലോമസദിസാ നവ പഞ്ഹാ, പവത്തിയേവ പടിസന്ധി നത്ഥി, ഏകോയേവ മോഹോ.)

നഹേതുയാ നവ, നആരമ്മണേ തീണി, നഅധിപതിയാ നവ, നഅനന്തരേ തീണി…പേ… നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ നവ, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ നവ, നസമ്പയുത്തേ തീണി, നവിപ്പയുത്തേ ഛ, നോനത്ഥിയാ തീണി, നോവിഗതേ തീണി.

പച്ചനീയം.