൧. വിഭങ്ഗവാരോ

നഹേതുപച്ചയോ

൧൪൪. സപ്പീതികം ധമ്മം പടിച്ച സപ്പീതികോ ധമ്മോ ഉപ്പജ്ജതി നഹേതുപച്ചയാ – അഹേതുകം സപ്പീതികം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. സപ്പീതികം ധമ്മം പടിച്ച അപ്പീതികോ ധമ്മോ ഉപ്പജ്ജതി നഹേതുപച്ചയാ – അഹേതുകേ സപ്പീതികേ ഖന്ധേ പടിച്ച പീതി ച ചിത്തസമുട്ഠാനഞ്ച രൂപം. സപ്പീതികം ധമ്മം പടിച്ച സപ്പീതികോ ച അപ്പീതികോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം സപ്പീതികം ഏകം ഖന്ധം പടിച്ച തയോ ഖന്ധാ പീതി ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

അപ്പീതികം ധമ്മം പടിച്ച അപ്പീതികോ ധമ്മോ ഉപ്പജ്ജതി നഹേതുപച്ചയാ – അഹേതുകം അപ്പീതികം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പീതിം പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ അപ്പീതികം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം, ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… (യാവ അസഞ്ഞസത്താപി) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. അപ്പീതികം ധമ്മം പടിച്ച സപ്പീതികോ ധമ്മോ ഉപ്പജ്ജതി നഹേതുപച്ചയാ – അഹേതുകം പീതിം പടിച്ച സപ്പീതികാ ഖന്ധാ. (മൂലം കാതബ്ബം.) പീതിം പടിച്ച സപ്പീതികാ ഖന്ധാ ചിത്തസമുട്ഠാനഞ്ച രൂപം. (൩)

൧൪൫. സപ്പീതികഞ്ച അപ്പീതികഞ്ച ധമ്മം പടിച്ച സപ്പീതികോ ധമ്മോ ഉപ്പജ്ജതി നഹേതുപച്ചയാ – അഹേതുകം സപ്പീതികം ഏകം ഖന്ധഞ്ച പീതിഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. സപ്പീതികഞ്ച അപ്പീതികഞ്ച ധമ്മം പടിച്ച അപ്പീതികോ ധമ്മോ ഉപ്പജ്ജതി നഹേതുപച്ചയാ – അഹേതുകേ സപ്പീതികേ ഖന്ധേ ച പീതിഞ്ച പടിച്ച ചിത്തസമുട്ഠാനം രൂപം, അഹേതുകേ സപ്പീതികേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. സപ്പീതികഞ്ച അപ്പീതികഞ്ച ധമ്മം പടിച്ച സപ്പീതികോ ച അപ്പീതികോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം സപ്പീതികം ഏകം ഖന്ധഞ്ച പീതിഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… അഹേതുകം സപ്പീതികം ഏകം ഖന്ധഞ്ച പീതിഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… അഹേതുകേ സപ്പീതികേ ഖന്ധേ ച പീതിഞ്ച മഹാഭൂതേ ച പടിച്ച ചിത്തസമുട്ഠാനം രൂപം. (൩)