൨. സങ്ഖ്യാവാരോ

സുദ്ധം

൧൩൪. ഹേതുയാ ചത്താരി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ ചത്താരി, വിപാകേ നവ, ആഹാരേ ചത്താരി, ഇന്ദ്രിയേ ചത്താരി, ഝാനേ നവ, മഗ്ഗേ നവ, സമ്പയുത്തേ ഛ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

പച്ചനീയുദ്ധാരോ

൧൩൫. സവിതക്കോ ധമ്മോ സവിതക്കസ്സ ധമ്മസ്സ ആരമ്മണപച്ചയേന പച്ചയോ … സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. സവിതക്കോ ധമ്മോ അവിതക്കസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. സവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൩)

൧൩൬. അവിതക്കോ ധമ്മോ അവിതക്കസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. അവിതക്കോ ധമ്മോ സവിതക്കസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൧൩൭. സവിതക്കോ ച അവിതക്കോ ച ധമ്മാ സവിതക്കസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. സവിതക്കോ ച അവിതക്കോ ച ധമ്മാ അവിതക്കസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ … ഉപനിസ്സയപച്ചയേന പച്ചയോ … പച്ഛാജാതപച്ചയേന പച്ചയോ. സവിതക്കോ ച അവിതക്കോ ച ധമ്മാ സവിതക്കസ്സ ച അവിതക്കസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)