൧. വിഭങ്ഗവാരോ

ഹേതുപച്ചയോ

൧൧൬. സവിതക്കോ ധമ്മോ സവിതക്കസ്സ ധമ്മസ്സ ഹേതുപച്ചയേന പച്ചയോ – സവിതക്കാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ…പേ…. സവിതക്കോ ധമ്മോ അവിതക്കസ്സ ധമ്മസ്സ ഹേതുപച്ചയേന പച്ചയോ – സവിതക്കാ ഹേതൂ വിതക്കസ്സ ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം.) സവിതക്കാ ഹേതൂ സമ്പയുത്തകാനം ഖന്ധാനം വിതക്കസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ… (൩)

അവിതക്കോ ധമ്മോ അവിതക്കസ്സ ധമ്മസ്സ ഹേതുപച്ചയേന പച്ചയോ – അവിതക്കാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൧൧൭. സവിതക്കോ ധമ്മോ സവിതക്കസ്സ ധമ്മസ്സ ആരമ്മണപച്ചയേന പച്ചയോ – സവിതക്കേ ഖന്ധേ ആരബ്ഭ സവിതക്കാ ഖന്ധാ ഉപ്പജ്ജന്തി. (മൂലം കാതബ്ബം.) സവിതക്കേ ഖന്ധേ ആരബ്ഭ അവിതക്കാ ഖന്ധാ ച വിതക്കോ ച ഉപ്പജ്ജന്തി. (മൂലം കാതബ്ബം.) സവിതക്കേ ഖന്ധേ ആരബ്ഭ സവിതക്കാ ഖന്ധാ ച വിതക്കോ ച ഉപ്പജ്ജന്തി. (൩)

൧൧൮. അവിതക്കോ ധമ്മോ അവിതക്കസ്സ ധമ്മസ്സ ആരമ്മണപച്ചയേന പച്ചയോ – അരിയാ അവിതക്കാ ഝാനാ വുട്ഠഹിത്വാ അവിതക്കം ഝാനം പച്ചവേക്ഖന്തി, മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലാ വുട്ഠഹിത്വാ ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം അവിതക്കസ്സ മഗ്ഗസ്സ, ഫലസ്സ, വിതക്കസ്സ ച ആരമ്മണപച്ചയേന പച്ചയോ; ചക്ഖും…പേ… വത്ഥും അവിതക്കേ ഖന്ധേ ച വിതക്കഞ്ച അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ വിതക്കോ ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന അവിതക്കചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം…പേ… ആകിഞ്ചഞ്ഞായതനം…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം…പേ… അവിതക്കാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ യഥാകമ്മൂപഗഞാണസ്സ, അനാഗതംസഞാണസ്സ, വിതക്കസ്സ ച ആരമ്മണപച്ചയേന പച്ചയോ; അവിതക്കേ ഖന്ധേ ച വിതക്കഞ്ച ആരബ്ഭ അവിതക്കാ ഖന്ധാ ച വിതക്കോ ച ഉപ്പജ്ജന്തി. (൧)

അവിതക്കോ ധമ്മോ സവിതക്കസ്സ ധമ്മസ്സ ആരമ്മണപച്ചയേന പച്ചയോ – അരിയാ അവിതക്കാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, സവിതക്കസ്സ മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും അവിതക്കേ ഖന്ധേ ച വിതക്കഞ്ച അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി; അവിതക്കേ ഖന്ധേ ച വിതക്കഞ്ച ആരബ്ഭ സവിതക്കാ ഖന്ധാ ഉപ്പജ്ജന്തി. (൨)

അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ ആരമ്മണപച്ചയേന പച്ചയോ – അരിയാ അവിതക്കാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, സവിതക്കസ്സ മഗ്ഗസ്സ, ഫലസ്സ, ആവജ്ജനായ, വിതക്കസ്സ ച ആരമ്മണപച്ചയേന പച്ചയോ; ചക്ഖും…പേ… വത്ഥും അവിതക്കേ ഖന്ധേ ച വിതക്കഞ്ച അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ സവിതക്കാ ഖന്ധാ ച വിതക്കോ ച ഉപ്പജ്ജന്തി, അവിതക്കേ ഖന്ധേ ച വിതക്കഞ്ച ആരബ്ഭ സവിതക്കാ ഖന്ധാ ച വിതക്കോ ച ഉപ്പജ്ജന്തി. (൩)

൧൧൯. സവിതക്കോ ച അവിതക്കോ ച ധമ്മാ സവിതക്കസ്സ ധമ്മസ്സ ആരമ്മണപച്ചയേന പച്ചയോ – സവിതക്കേ ഖന്ധേ ച വിതക്കഞ്ച ആരബ്ഭ സവിതക്കാ ഖന്ധാ ഉപ്പജ്ജന്തി. (മൂലം കാതബ്ബം.) സവിതക്കേ ഖന്ധേ ച വിതക്കഞ്ച ആരബ്ഭ അവിതക്കാ ഖന്ധാ ച വിതക്കോ ച ഉപ്പജ്ജന്തി. (മൂലം കാതബ്ബം.) സവിതക്കേ ഖന്ധേ ച വിതക്കഞ്ച ആരബ്ഭ സവിതക്കാ ഖന്ധാ ച വിതക്കോ ച ഉപ്പജ്ജന്തി. (൩)

അധിപതിപച്ചയോ

൧൨൦. സവിതക്കോ ധമ്മോ സവിതക്കസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – സവിതക്കേ ഖന്ധേ ഗരും കത്വാ സവിതക്കാ ഖന്ധാ ഉപ്പജ്ജന്തി. സഹജാതാധിപതി – സവിതക്കാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സവിതക്കോ ധമ്മോ അവിതക്കസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – സവിതക്കേ ഖന്ധേ ഗരും കത്വാ വിതക്കോ ഉപ്പജ്ജതി. സഹജാതാധിപതി – സവിതക്കാധിപതി വിതക്കസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൨)

സവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – സവിതക്കേ ഖന്ധേ ഗരും കത്വാ സവിതക്കാ ഖന്ധാ ച വിതക്കോ ച ഉപ്പജ്ജന്തി. സഹജാതാധിപതി – സവിതക്കാധിപതി സമ്പയുത്തകാനം ഖന്ധാനം വിതക്കസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൧൨൧. അവിതക്കോ ധമ്മോ അവിതക്കസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരിയാ അവിതക്കാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം അവിതക്കസ്സ മഗ്ഗസ്സ, ഫലസ്സ, വിതക്കസ്സ ച അധിപതിപച്ചയേന പച്ചയോ; ചക്ഖും…പേ… വത്ഥും അവിതക്കേ ഖന്ധേ ച വിതക്കഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ വിതക്കോ ഉപ്പജ്ജതി. സഹജാതാധിപതി – അവിതക്കാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അവിതക്കോ ധമ്മോ സവിതക്കസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ അവിതക്കാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, സവിതക്കസ്സ മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും അവിതക്കേ ഖന്ധേ ച വിതക്കഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, അവിതക്കേ ഖന്ധേ ച വിതക്കഞ്ച ഗരും കത്വാ സവിതക്കാ ഖന്ധാ ഉപ്പജ്ജന്തി. (൨)

അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ അവിതക്കാ ഝാനാ വുട്ഠഹിത്വാ…പേ… മഗ്ഗാ വുട്ഠഹിത്വാ…പേ… ഫലാ വുട്ഠഹിത്വാ ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, സവിതക്കസ്സ മഗ്ഗസ്സ, ഫലസ്സ, വിതക്കസ്സ ച അധിപതിപച്ചയേന പച്ചയോ; ചക്ഖും…പേ… വത്ഥും അവിതക്കേ ഖന്ധേ ച വിതക്കഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; അവിതക്കേ ഖന്ധേ ച വിതക്കഞ്ച ഗരും കത്വാ സവിതക്കാ ഖന്ധാ ച വിതക്കോ ച ഉപ്പജ്ജന്തി. (൩)

സവിതക്കോ ച അവിതക്കോ ച ധമ്മാ സവിതക്കസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സവിതക്കേ ഖന്ധേ ച വിതക്കഞ്ച ഗരും കത്വാ സവിതക്കാ ഖന്ധാ ഉപ്പജ്ജന്തി. (മൂലം കാതബ്ബം.) സവിതക്കേ ഖന്ധേ ച വിതക്കഞ്ച ഗരും കത്വാ വിതക്കോ ഉപ്പജ്ജതി. (മൂലം കാതബ്ബം.) സവിതക്കേ ഖന്ധേ ച വിതക്കഞ്ച ഗരും കത്വാ സവിതക്കാ ഖന്ധാ ച വിതക്കോ ച ഉപ്പജ്ജന്തി. (൩)

അനന്തരപച്ചയാദി

൧൨൨. സവിതക്കോ ധമ്മോ സവിതക്കസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സവിതക്കാ ഖന്ധാ പച്ഛിമാനം പച്ഛിമാനം സവിതക്കാനം ഖന്ധാനം അനന്തരപച്ചയേന പച്ചയോ. (൧)

സവിതക്കോ ധമ്മോ അവിതക്കസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സവിതക്കാ ഖന്ധാ പച്ഛിമസ്സ പച്ഛിമസ്സ വിതക്കസ്സ അനന്തരപച്ചയേന പച്ചയോ; സവിതക്കം ചുതിചിത്തം അവിതക്കസ്സ ഉപപത്തിചിത്തസ്സ അനന്തരപച്ചയേന പച്ചയോ; ആവജ്ജനാ പഞ്ചന്നം വിഞ്ഞാണാനം അനന്തരപച്ചയേന പച്ചയോ; സവിതക്കാ ഖന്ധാ അവിതക്കസ്സ വുട്ഠാനസ്സ അനന്തരപച്ചയേന പച്ചയോ; ദുതിയസ്സ ഝാനസ്സ പരികമ്മം ദുതിയസ്സ ഝാനസ്സ അനന്തരപച്ചയേന പച്ചയോ; തതിയസ്സ ഝാനസ്സ പരികമ്മം…പേ… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ…പേ… ദിബ്ബസ്സ ചക്ഖുസ്സ പരികമ്മം…പേ… ദിബ്ബായ സോതധാതുയാ പരികമ്മം…പേ… ഇദ്ധിവിധഞാണസ്സ പരികമ്മം…പേ… ചേതോപരിയഞാണസ്സ പരികമ്മം…പേ… പുബ്ബേനിവാസാനുസ്സതിഞാണസ്സ പരികമ്മം…പേ… യഥാകമ്മൂപഗഞാണസ്സ പരികമ്മം യഥാകമ്മൂപഗഞാണസ്സ…പേ… അനാഗതംസഞാണസ്സ പരികമ്മം അനാഗതംസഞാണസ്സ അനന്തരപച്ചയേന പച്ചയോ. ഗോത്രഭു അവിതക്കസ്സ മഗ്ഗസ്സ… വോദാനം അവിതക്കസ്സ മഗ്ഗസ്സ… അനുലോമം അവിതക്കായ ഫലസമാപത്തിയാ അനന്തരപച്ചയേന പച്ചയോ. (൨)

സവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ സവിതക്കാ ഖന്ധാ പച്ഛിമാനം പച്ഛിമാനം സവിതക്കാനം ഖന്ധാനം വിതക്കസ്സ ച അനന്തരപച്ചയേന പച്ചയോ. (൩)

൧൨൩. അവിതക്കോ ധമ്മോ അവിതക്കസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിതക്കോ പച്ഛിമസ്സ പച്ഛിമസ്സ വിതക്കസ്സ അനന്തരപച്ചയേന പച്ചയോ; പുരിമാ പുരിമാ അവിതക്കാ ഖന്ധാ പച്ഛിമാനം പച്ഛിമാനം അവിതക്കാനം ഖന്ധാനം അനന്തരപച്ചയേന പച്ചയോ; അവിതക്കോ മഗ്ഗോ അവിതക്കസ്സ ഫലസ്സ…പേ… അവിതക്കം ഫലം അവിതക്കസ്സ ഫലസ്സ …പേ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം അവിതക്കായ ഫലസമാപത്തിയാ അനന്തരപച്ചയേന പച്ചയോ. (൧)

അവിതക്കോ ധമ്മോ സവിതക്കസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിതക്കോ പച്ഛിമാനം പച്ഛിമാനം സവിതക്കാനം ഖന്ധാനം അനന്തരപച്ചയേന പച്ചയോ; അവിതക്കം ചുതിചിത്തം സവിതക്കസ്സ ഉപപത്തിചിത്തസ്സ, അവിതക്കം ഭവങ്ഗം ആവജ്ജനായ, അവിതക്കാ ഖന്ധാ സവിതക്കസ്സ വുട്ഠാനസ്സ അനന്തരപച്ചയേന പച്ചയോ. (൨)

അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിതക്കോ പച്ഛിമാനം പച്ഛിമാനം സവിതക്കാനം ഖന്ധാനം വിതക്കസ്സ ച അനന്തരപച്ചയേന പച്ചയോ. (൩)

൧൨൪. സവിതക്കോ ച അവിതക്കോ ച ധമ്മാ സവിതക്കസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സവിതക്കാ ഖന്ധാ ച വിതക്കോ ച പച്ഛിമാനം പച്ഛിമാനം സവിതക്കാനം ഖന്ധാനം അനന്തരപച്ചയേന പച്ചയോ. (൧)

സവിതക്കോ ച അവിതക്കോ ച ധമ്മാ അവിതക്കസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സവിതക്കാ ഖന്ധാ ച വിതക്കോ ച പച്ഛിമസ്സ പച്ഛിമസ്സ വിതക്കസ്സ അനന്തരപച്ചയേന പച്ചയോ; സവിതക്കം ചുതിചിത്തഞ്ച വിതക്കോ ച അവിതക്കസ്സ ഉപപത്തിചിത്തസ്സ…പേ… ആവജ്ജനാ ച വിതക്കോ ച പഞ്ചന്നം വിഞ്ഞാണാനം…പേ… സവിതക്കാ ഖന്ധാ ച വിതക്കോ ച അവിതക്കസ്സ വുട്ഠാനസ്സ അനന്തരപച്ചയേന പച്ചയോ; ദുതിയസ്സ ഝാനസ്സ പരികമ്മഞ്ച വിതക്കോ ച…പേ… (ഹേട്ഠാ ലിഖിതം ലേഖം ഇമിനാ കാരണേന ദട്ഠബ്ബം); അനുലോമഞ്ച വിതക്കോ ച അവിതക്കായ ഫലസമാപത്തിയാ അനന്തരപച്ചയേന പച്ചയോ. (൨)

സവിതക്കോ ച അവിതക്കോ ച ധമ്മാ സവിതക്കസ്സ ച അവിതക്കസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ സവിതക്കാ ഖന്ധാ ച വിതക്കോ ച പച്ഛിമാനം പച്ഛിമാനം സവിതക്കാനം ഖന്ധാനം വിതക്കസ്സ ച അനന്തരപച്ചയേന പച്ചയോ. (൩)

സമനന്തരപച്ചയേന പച്ചയോ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… നവ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൧൨൫. സവിതക്കോ ധമ്മോ സവിതക്കസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സവിതക്കാ ഖന്ധാ സവിതക്കാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം.) സവിതക്കാ ഖന്ധാ അവിതക്കാനം ഖന്ധാനം വിതക്കസ്സ ച ഉപനിസ്സയപച്ചയേന പച്ചയോ. (മൂലം കാതബ്ബം.) സവിതക്കാ ഖന്ധാ സവിതക്കാനം ഖന്ധാനം വിതക്കസ്സ ച ഉപനിസ്സയപച്ചയേന പച്ചയോ. (൩)

൧൨൬. അവിതക്കോ ധമ്മോ അവിതക്കസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അവിതക്കം സദ്ധം ഉപനിസ്സായ അവിതക്കം ഝാനം ഉപ്പാദേതി, മഗ്ഗം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി; അവിതക്കം സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം വിതക്കം ഉപനിസ്സായ അവിതക്കം ഝാനം ഉപ്പാദേതി, മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി; അവിതക്കാ സദ്ധാ…പേ… സേനാസനം വിതക്കോ ച അവിതക്കായ സദ്ധായ…പേ… പഞ്ഞായ… കായികസ്സ സുഖസ്സ… കായികസ്സ ദുക്ഖസ്സ… അവിതക്കസ്സ മഗ്ഗസ്സ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

അവിതക്കോ ധമ്മോ സവിതക്കസ്സ ധമ്മസ്സ ഉപനിസ്സയപച്ചയേന പച്ചയോ (തീണിപി ഉപനിസ്സയാ സബ്ബത്ഥ കാതബ്ബാ). അവിതക്കം സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി; സവിതക്കം ഝാനം ഉപ്പാദേതി, വിപസ്സനം…പേ… മഗ്ഗം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; അവിതക്കം സീലം…പേ… സേനാസനം വിതക്കം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; അവിതക്കാ സദ്ധാ…പേ… സേനാസനം വിതക്കോ ച സവിതക്കായ സദ്ധായ…പേ… പഞ്ഞായ… രാഗസ്സ…പേ… പത്ഥനായ സവിതക്കസ്സ മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൨)

അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ ഉപനിസ്സയപച്ചയേന പച്ചയോ – അവിതക്കം സദ്ധം ഉപനിസ്സായ ദാനം ദേതി…പേ… (ദുതിയവാരേ ലിഖിതപദാ സബ്ബേ കാതബ്ബാ) സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം…പേ… സേനാസനം വിതക്കം ഉപനിസ്സായ ദാനം ദേതി…പേ… പാണം ഹനതി…പേ… സങ്ഘം ഭിന്ദതി; അവിതക്കാ സദ്ധാ…പേ… സേനാസനം വിതക്കോ ച സവിതക്കായ സദ്ധായ…പേ… പഞ്ഞായ… രാഗസ്സ …പേ… പത്ഥനായ സവിതക്കസ്സ മഗ്ഗസ്സ, ഫലസമാപത്തിയാ വിതക്കസ്സ ച ഉപനിസ്സയപച്ചയേന പച്ചയോ. (൩)

൧൨൭. സവിതക്കോ ച അവിതക്കോ ച ധമ്മാ സവിതക്കസ്സ ധമ്മസ്സ ഉപനിസ്സയപച്ചയേന പച്ചയോ – സവിതക്കാ ഖന്ധാ ച വിതക്കോ ച സവിതക്കാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം.) സവിതക്കാ ഖന്ധാ ച വിതക്കോ ച അവിതക്കാനം ഖന്ധാനം വിതക്കസ്സ ച ഉപനിസ്സയപച്ചയേന പച്ചയോ. (മൂലം കാതബ്ബം.) സവിതക്കാ ഖന്ധാ ച വിതക്കോ ച സവിതക്കാനം ഖന്ധാനം വിതക്കസ്സ ച ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൧൨൮. അവിതക്കോ ധമ്മോ അവിതക്കസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ വിതക്കോ ഉപ്പജ്ജതി, ദിബ്ബേന ചക്ഖുനാ രൂപം പസ്സതി…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു അവിതക്കാനം ഖന്ധാനം വിതക്കസ്സ ച പുരേജാതപച്ചയേന പച്ചയോ.

അവിതക്കോ ധമ്മോ സവിതക്കസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ സവിതക്കാ ഖന്ധാ ഉപ്പജ്ജന്തി. വത്ഥുപുരേജാതം – വത്ഥു സവിതക്കാനം ഖന്ധാനം പുരേജാതപച്ചയേന പച്ചയോ.

അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ സവിതക്കാ ഖന്ധാ ച വിതക്കോ ച ഉപ്പജ്ജന്തി. വത്ഥുപുരേജാതം – വത്ഥു സവിതക്കാനം ഖന്ധാനം വിതക്കസ്സ ച പുരേജാതപച്ചയേന പച്ചയോ. (൩)

പച്ഛാജാതാസേവനപച്ചയാ

൧൨൯. സവിതക്കോ ധമ്മോ അവിതക്കസ്സ ധമ്മസ്സ പച്ഛാജാതപച്ചയേന പച്ചയോ (തീണി, പച്ഛാജാതാ)… ആസേവനപച്ചയേന പച്ചയോ… നവ.

കമ്മപച്ചയാദി

൧൩൦. സവിതക്കോ ധമ്മോ സവിതക്കസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സവിതക്കാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സവിതക്കാ ചേതനാ വിപാകാനം സവിതക്കാനം ഖന്ധാനം കമ്മപച്ചയേന പച്ചയോ. (ഏവം ചത്താരി, സഹജാതാപി നാനാക്ഖണികാപി കാതബ്ബാ.)

വിപാകപച്ചയേന പച്ചയോ… നവ… ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… നവ… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… ഛ.

൧൩൧. സവിതക്കോ ധമ്മോ സവിതക്കസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

അവിതക്കോ ധമ്മോ അവിതക്കസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). അവിതക്കോ ധമ്മോ സവിതക്കസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം (സംഖിത്തം). അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു വിതക്കസ്സ സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു വിതക്കസ്സ സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

സവിതക്കോ ച അവിതക്കോ ച ധമ്മാ അവിതക്കസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം).

അത്ഥിപച്ചയാദി

൧൩൨. സവിതക്കോ ധമ്മോ സവിതക്കസ്സ ധമ്മസ്സ അത്ഥിപച്ചയേന പച്ചയോ (ഏകം, പടിച്ചസദിസം). സവിതക്കോ ധമ്മോ അവിതക്കസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). സവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)

അവിതക്കോ ധമ്മോ അവിതക്കസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). അവിതക്കോ ധമ്മോ സവിതക്കസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സംഖിത്തം). അവിതക്കോ ധമ്മോ സവിതക്കസ്സ ച അവിതക്കസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിതക്കോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; പടിസന്ധിക്ഖണേ വിതക്കോ സമ്പയുത്തകാനം ഖന്ധാനം കടത്താ ച രൂപാനം അത്ഥിപച്ചയേന പച്ചയോ, പടിസന്ധിക്ഖണേ വത്ഥു വിതക്കസ്സ സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ വിതക്കോ ച സമ്പയുത്തകാ ച ഖന്ധാ ഉപ്പജ്ജന്തി, വത്ഥു വിതക്കസ്സ സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ. (൩)

൧൩൩. സവിതക്കോ ച അവിതക്കോ ച ധമ്മാ സവിതക്കസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സവിതക്കോ ഏകോ ഖന്ധോ ച വിതക്കോ ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – സവിതക്കോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… (പടിസന്ധിക്ഖണേ സഹജാതാപി ദ്വേപി കാതബ്ബാ). (൧)

സവിതക്കോ ച അവിതക്കോ ച ധമ്മാ അവിതക്കസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – സവിതക്കാ ഖന്ധാ ച വിതക്കോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – സവിതക്കാ ഖന്ധാ ച വത്ഥു ച വിതക്കസ്സ അത്ഥിപച്ചയേന പച്ചയോ (പടിസന്ധിക്ഖണേ, തീണി). പച്ഛാജാതാ – സവിതക്കാ ഖന്ധാ ച വിതക്കോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സവിതക്കാ ഖന്ധാ ച വിതക്കോ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സവിതക്കാ ഖന്ധാ ച വിതക്കോ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൩)

സവിതക്കോ ച അവിതക്കോ ച ധമ്മാ സവിതക്കസ്സ ച അവിതക്കസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സവിതക്കോ ഏകോ ഖന്ധോ ച വിതക്കോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – സവിതക്കോ ഏകോ ഖന്ധോ ച വത്ഥു ച തിണ്ണന്നം ഖന്ധാനം വിതക്കസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… (പടിസന്ധിയാപി ദ്വേ). (൩)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.