൧. വിഭങ്ഗവാരോ

നഹേതുപച്ചയോ

൧൦൬. സവിതക്കം ധമ്മം പടിച്ച സവിതക്കോ ധമ്മോ ഉപ്പജ്ജതി നഹേതുപച്ചയാ – അഹേതുകം സവിതക്കം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (സവിതക്കമൂലകാ അവസേസാ ദ്വേ പഞ്ഹാ കാതബ്ബാ, അഹേതുകം നിന്നാനം.) (൩)

അവിതക്കം ധമ്മം പടിച്ച അവിതക്കോ ധമ്മോ ഉപ്പജ്ജതി നഹേതുപച്ചയാ – അഹേതുകം അവിതക്കം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകം വിതക്കം പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ വിതക്കം പടിച്ച കടത്താരൂപം, വിതക്കം പടിച്ച വത്ഥു, വത്ഥും പടിച്ച വിതക്കോ, ഏകം മഹാഭൂതം…പേ…. (൧)

അവിതക്കം ധമ്മം പടിച്ച സവിതക്കോ ധമ്മോ ഉപ്പജ്ജതി നഹേതുപച്ചയാ – അഹേതുകം വിതക്കം പടിച്ച സമ്പയുത്തകാ ഖന്ധാ, അഹേതുകപടിസന്ധിക്ഖണേ വിതക്കം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച അഹേതുകാ സവിതക്കാ ഖന്ധാ, വിതക്കം പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

അവിതക്കം ധമ്മം പടിച്ച സവിതക്കോ ച അവിതക്കോ ച ധമ്മാ ഉപ്പജ്ജന്തി നഹേതുപച്ചയാ. (സംഖിത്തം. ഹേതുപച്ചയസദിസം. ‘‘അഹേതുക’’ന്തി നിയാമേതബ്ബം.) (൩)

സവിതക്കഞ്ച അവിതക്കഞ്ച ധമ്മം പടിച്ച സവിതക്കോ ധമ്മോ ഉപ്പജ്ജതി നഹേതുപച്ചയാ – അഹേതുകം സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ സവിതക്കം ഏകം ഖന്ധഞ്ച വത്ഥുഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വിതക്കഞ്ച പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (അവസേസാ ദ്വേ പഞ്ഹാ ഹേതുപച്ചയസദിസാ നിന്നാനാ, അഹേതുകന്തി നിയാമേതബ്ബം.) (൩)