൧. വിഭങ്ഗവാരോ

ഹേതുപച്ചയോ

൧൦൨. സവിതക്കം ധമ്മം പടിച്ച സവിതക്കോ ധമ്മോ ഉപ്പജ്ജതി ഹേതുപച്ചയാ – സവിതക്കം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. സവിതക്കം ധമ്മം പടിച്ച അവിതക്കോ ധമ്മോ ഉപ്പജ്ജതി ഹേതുപച്ചയാ – സവിതക്കേ ഖന്ധേ പടിച്ച വിതക്കോ ചിത്തസമുട്ഠാനഞ്ച രൂപം; പടിസന്ധിക്ഖണേ…പേ…. സവിതക്കം ധമ്മം പടിച്ച സവിതക്കോ ച അവിതക്കോ ച ധമ്മാ ഉപ്പജ്ജന്തി ഹേതുപച്ചയാ – സവിതക്കം ഏകം ഖന്ധം പടിച്ച തയോ ഖന്ധാ വിതക്കോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൧൦൩. അവിതക്കം ധമ്മം പടിച്ച അവിതക്കോ ധമ്മോ ഉപ്പജ്ജതി ഹേതുപച്ചയാ – അവിതക്കം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വിതക്കം പടിച്ച ചിത്തസമുട്ഠാനം രൂപം; പടിസന്ധിക്ഖണേ അവിതക്കം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… വിതക്കം പടിച്ച കടത്താരൂപം, ഖന്ധേ പടിച്ച വത്ഥു, വത്ഥും പടിച്ച ഖന്ധാ, വിതക്കം പടിച്ച വത്ഥു, വത്ഥും പടിച്ച വിതക്കോ, ഏകം മഹാഭൂതം…പേ…. (൧)

അവിതക്കം ധമ്മം പടിച്ച സവിതക്കോ ധമ്മോ ഉപ്പജ്ജതി ഹേതുപച്ചയാ – വിതക്കം പടിച്ച സമ്പയുത്തകാ ഖന്ധാ; പടിസന്ധിക്ഖണേ വിതക്കം പടിച്ച സമ്പയുത്തകാ ഖന്ധാ, പടിസന്ധിക്ഖണേ വത്ഥും പടിച്ച സവിതക്കാ ഖന്ധാ. (൨)

അവിതക്കം ധമ്മം പടിച്ച സവിതക്കോ ച അവിതക്കോ ച ധമ്മാ ഉപ്പജ്ജന്തി ഹേതുപച്ചയാ – വിതക്കം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, വിതക്കം പടിച്ച സവിതക്കാ ഖന്ധാ, മഹാഭൂതേ പടിച്ച ചിത്തസമുട്ഠാനം രൂപം; പടിസന്ധിക്ഖണേ വിതക്കം പടിച്ച സമ്പയുത്തകാ ഖന്ധാ കടത്താ ച രൂപം, പടിസന്ധിക്ഖണേ വിതക്കം പടിച്ച സവിതക്കാ ഖന്ധാ, മഹാഭൂതേ പടിച്ച കടത്താരൂപം, പടിസന്ധിക്ഖണേ വത്ഥും പടിച്ച സവിതക്കാ ഖന്ധാ, മഹാഭൂതേ പടിച്ച കടത്താരൂപം, പടിസന്ധിക്ഖണേ വത്ഥും പടിച്ച വിതക്കോ സമ്പയുത്തകാ ച ഖന്ധാ. (൩)

൧൦൪. സവിതക്കഞ്ച അവിതക്കഞ്ച ധമ്മം പടിച്ച സവിതക്കോ ധമ്മോ ഉപ്പജ്ജതി ഹേതുപച്ചയാ – സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ …പേ… പടിസന്ധിക്ഖണേ സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ സവിതക്കം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സവിതക്കഞ്ച അവിതക്കഞ്ച ധമ്മം പടിച്ച അവിതക്കോ ധമ്മോ ഉപ്പജ്ജതി ഹേതുപച്ചയാ – സവിതക്കേ ഖന്ധേ ച വിതക്കഞ്ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ സവിതക്കേ ഖന്ധേ ച വിതക്കഞ്ച മഹാഭൂതേ ച പടിച്ച കടത്താരൂപം, പടിസന്ധിക്ഖണേ സവിതക്കേ ഖന്ധേ ച വത്ഥുഞ്ച പടിച്ച വിതക്കോ. (൨)

സവിതക്കഞ്ച അവിതക്കഞ്ച ധമ്മം പടിച്ച സവിതക്കോ ച അവിതക്കോ ച ധമ്മാ ഉപ്പജ്ജന്തി ഹേതുപച്ചയാ – സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… സവിതക്കേ ഖന്ധേ ച വിതക്കഞ്ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ സവിതക്കം ഏകം ഖന്ധഞ്ച വിതക്കഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… സവിതക്കേ ഖന്ധേ ച വിതക്കഞ്ച മഹാഭൂതേ ച പടിച്ച കടത്താരൂപം, പടിസന്ധിക്ഖണേ സവിതക്കം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ വിതക്കോ ച…പേ… ദ്വേ ഖന്ധേ…പേ…. (൩) (സംഖിത്തം.)