൧. വിഭങ്ഗവാരോ

ഹേതുപച്ചയോ

൪൭. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ദസ്സനേന പഹാതബ്ബഹേതുകം ധമ്മം പടിച്ച നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നദസ്സനേന പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪൮. നദസ്സനേന പഹാതബ്ബഹേതുകം ധമ്മം പടിച്ച നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – നദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വിചികിച്ഛാസഹഗതം മോഹം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (യാവ അജ്ഝത്തികാ മഹാഭൂതാ). (൧)

നദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

നദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നദസ്സനേന പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൪൯. ദസ്സനേന പഹാതബ്ബഹേതുകഞ്ച നദസ്സനേന പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧)

ദസ്സനേന പഹാതബ്ബഹേതുകഞ്ച നദസ്സനേന പഹാതബ്ബഹേതുകഞ്ച ധമ്മം പടിച്ച നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, വിചികിച്ഛാസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകഞ്ച നദസ്സനേന പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ച നദസ്സനേന പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ…. (൩)

ആരമ്മണപച്ചയോ

൫൦. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ദസ്സനേന പഹാതബ്ബഹേതുകം ധമ്മം പടിച്ച നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഖന്ധേ പടിച്ച വിചികിച്ഛാസഹഗതോ മോഹോ. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നദസ്സനേന പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

൫൧. നദസ്സനേന പഹാതബ്ബഹേതുകം ധമ്മം പടിച്ച നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – നദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

നദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

ദസ്സനേന പഹാതബ്ബഹേതുകഞ്ച നദസ്സനേന പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧) (സംഖിത്തം.)

൧. പച്ചയാനുലോമം

൨. സങ്ഖ്യാവാരോ

൫൨. ഹേതുയാ നവ, ആരമ്മണേ ഛ, അധിപതിയാ പഞ്ച, അനന്തരേ ഛ, സമനന്തരേ ഛ, സഹജാതേ നവ, അഞ്ഞമഞ്ഞേ ഛ, നിസ്സയേ നവ, ഉപനിസ്സയേ ഛ, പുരേജാതേ ഛ, ആസേവനേ ഛ, കമ്മേ നവ, വിപാകേ ഏകം, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ ഛ, വിപ്പയുത്തേ നവ, അത്ഥിയാ നവ, നത്ഥിയാ ഛ, വിഗതേ ഛ, അവിഗതേ നവ.