൧. വിഭങ്ഗവാരോ

ഹേതുപച്ചയോ

൩൬. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ഹേതുപച്ചയേന പച്ചയോ – ഭാവനായ പഹാതബ്ബാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ… തീണി.

നഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ ഹേതുപച്ചയേന പച്ചയോ (സംഖിത്തം). (൧)

ആരമ്മണപച്ചയോ

൩൭. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബം രാഗം അസ്സാദേതി അഭിനന്ദതി, തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി; ഭാവനായ പഹാതബ്ബം ദോമനസ്സം ഉപ്പജ്ജതി; ഉദ്ധച്ചം ആരബ്ഭ ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി; ഭാവനായ പഹാതബ്ബം ദോമനസ്സം ആരബ്ഭ ഭാവനായ പഹാതബ്ബം ദോമനസ്സം ഉപ്പജ്ജതി, ഉദ്ധച്ചം ഉപ്പജ്ജതി. (൧)

ഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – അരിയാ ഭാവനായ പഹാതബ്ബേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ…പേ… ഭാവനായ പഹാതബ്ബേ ഖന്ധേ അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ നഭാവനായ പഹാതബ്ബോ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… നഭാവനായ പഹാതബ്ബം ദോമനസ്സം ഉപ്പജ്ജതി; ചേതോപരിയഞാണേന ഭാവനായ പഹാതബ്ബചിത്തസമങ്ഗിസ്സ ചിത്തം ജാനാതി, ഭാവനായ പഹാതബ്ബാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൩൮. നഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ നഭാവനായ പഹാതബ്ബോ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… നഭാവനായ പഹാതബ്ബം ദോമനസ്സം ഉപ്പജ്ജതി, പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ…പേ… ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നഭാവനായ പഹാതബ്ബേ പഹീനേ കിലേസേ…പേ… ചക്ഖും…പേ… വത്ഥും നഭാവനായ പഹാതബ്ബേ ഖന്ധേ അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ നഭാവനായ പഹാതബ്ബോ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… നഭാവനായ പഹാതബ്ബം ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി…പേ… യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഝാനം…പേ… ചക്ഖും…പേ… വത്ഥും നഭാവനായ പഹാതബ്ബേ ഖന്ധേ അസ്സാദേതി അഭിനന്ദതി, തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി. (൨)

അധിപതിപച്ചയോ

൩൯. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി സഹജാതാധിപതി. ആരമ്മണാധിപതി – ഭാവനായ പഹാതബ്ബം രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ ഭാവനായ പഹാതബ്ബോ രാഗോ ഉപ്പജ്ജതി. സഹജാതാധിപതി – ഭാവനായ പഹാതബ്ബാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഭാവനായ പഹാതബ്ബം രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ നഭാവനായ പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – ഭാവനായ പഹാതബ്ബാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ച നഭാവനായ പഹാതബ്ബസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – ഭാവനായ പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൪൦. നഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ നഭാവനായ പഹാതബ്ബോ രാഗോ ഉപ്പജ്ജതി. സഹജാതാധിപതി – നഭാവനായ പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… ഝാനം…പേ… ചക്ഖും…പേ… വത്ഥും നഭാവനായ പഹാതബ്ബേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ഭാവനായ പഹാതബ്ബോ രാഗോ ഉപ്പജ്ജതി. (൨)

അനന്തരപച്ചയാദി

൪൧. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അനന്തരപച്ചയേന പച്ചയോ… ചത്താരി (ദസ്സനദുകസദിസാ ഭാവനാ നിന്നാനാകരണാ)… സമനന്തരപച്ചയേന പച്ചയോ… ചത്താരി… സഹജാതപച്ചയേന പച്ചയോ… പഞ്ച… അഞ്ഞമഞ്ഞപച്ചയേന പച്ചയോ… ദ്വേ… നിസ്സയപച്ചയേന പച്ചയോ… സത്ത.

ഉപനിസ്സയപച്ചയോ

൪൨. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബോ രാഗോ… ദോസോ… മോഹോ… മാനോ… പത്ഥനാ ഭാവനായ പഹാതബ്ബസ്സ രാഗസ്സ … ദോസസ്സ… മോഹസ്സ… മാനസ്സ… പത്ഥനായ ഉപനിസ്സയപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബം രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; ഭാവനായ പഹാതബ്ബം ദോസം… മോഹം… മാനം… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; ഭാവനായ പഹാതബ്ബോ രാഗോ…പേ… പത്ഥനാ സദ്ധായ…പേ… പഞ്ഞായ നഭാവനായ പഹാതബ്ബസ്സ, രാഗസ്സ… ദോസസ്സ… മോഹസ്സ… ദിട്ഠിയാ… പത്ഥനായ… കായികസ്സ സുഖസ്സ… കായികസ്സ ദുക്ഖസ്സ… മഗ്ഗസ്സ… ഫലസമാപത്തിയാ ഉപനിസ്സയപച്ചയേന പച്ചയോ. (൨)

൪൩. നഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, ദിട്ഠിം ഗണ്ഹാതി; സീലം…പേ… പഞ്ഞം, നഭാവനായ പഹാതബ്ബം രാഗം… ദോസം… മോഹം… ദിട്ഠിം… പത്ഥനം… കായികം സുഖം… കായികം ദുക്ഖം…പേ… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… പഞ്ഞായ നഭാവനായ പഹാതബ്ബസ്സ രാഗസ്സ… ദോസസ്സ… മോഹസ്സ… ദിട്ഠിയാ… പത്ഥനായ… കായികസ്സ സുഖസ്സ… കായികസ്സ ദുക്ഖസ്സ… മഗ്ഗസ്സ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി…പേ… സീലം…പേ… പഞ്ഞം… രാഗം…പേ… കായികം സുഖം… കായികം ദുക്ഖം… സേനാസനം ഉപനിസ്സായ മാനം ജപ്പേതി; സദ്ധാ…പേ… സേനാസനം ഭാവനായ പഹാതബ്ബസ്സ രാഗസ്സ… ദോസസ്സ… മോഹസ്സ… മാനസ്സ… പത്ഥനായ ഉപനിസ്സയപച്ചയേന പച്ചയോ. (൨)

പുരേജാതപച്ചയാദി

൪൪. നഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ നഭാവനായ പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി; നഭാവനായ പഹാതബ്ബം ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നഭാവനായ പഹാതബ്ബാനം ഖന്ധാനം പുരേജാതപച്ചയേന പച്ചയോ. (൧)

നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി. വത്ഥുപുരേജാതം – വത്ഥു ഭാവനായ പഹാതബ്ബാനം ഖന്ധാനം പുരേജാതപച്ചയേന പച്ചയോ. (൨)

൪൫. പച്ഛാജാതപച്ചയേന പച്ചയോ… ദ്വേ, ആസേവനപച്ചയേന പച്ചയോ… ദ്വേ, കമ്മപച്ചയേന പച്ചയോ – ഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (മൂലം കാതബ്ബം.) ഭാവനായ പഹാതബ്ബാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (മൂലം കാതബ്ബം.) ഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

നഭാവനായ പഹാതബ്ബോ ധമ്മോ നഭാവനായ പഹാതബ്ബസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നഭാവനായ പഹാതബ്ബാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ… വിപാകപച്ചയേന പച്ചയോ… ഏകം…പേ… അവിഗതപച്ചയേന പച്ചയോ. (സബ്ബപച്ചയാ ദസ്സനദുകസദിസാ, ഭാവനാ നിന്നാനാകരണാ.)