൧. വിഭങ്ഗവാരോ

ഹേതുപച്ചയോ

൧൩. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഹേതുപച്ചയേന പച്ചയോ… തീണി.

നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ ഹേതുപച്ചയേന പച്ചയോ – നദസ്സനേന പഹാതബ്ബാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൧൪. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദസ്സനേന പഹാതബ്ബം രാഗം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി…പേ… വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി; ദസ്സനേന പഹാതബ്ബം ദിട്ഠിം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ദോമനസ്സം ഉപ്പജ്ജതി; വിചികിച്ഛം ആരബ്ഭ വിചികിച്ഛാ ഉപ്പജ്ജതി, ദിട്ഠി…പേ… ദോമനസ്സം ഉപ്പജ്ജതി; ദസ്സനേന പഹാതബ്ബം ദോമനസ്സം ആരബ്ഭ ദസ്സനേന പഹാതബ്ബം ദോമനസ്സം ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. (൧)

ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – അരിയാ ദസ്സനേന പഹാതബ്ബേ പഹീനേ കിലേസേ പച്ചവേക്ഖന്തി, പുബ്ബേ സമുദാചിണ്ണേ…പേ… ദസ്സനേന പഹാതബ്ബേ ഖന്ധേ അനിച്ചതോ…പേ… വിപസ്സതി, ചേതോപരിയഞാണേന ദസ്സനേന പഹാതബ്ബചിത്തസമങ്ഗിസ്സ ചിത്തം ജാനാതി, ദസ്സനേന പഹാതബ്ബാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൧൫. നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ നദസ്സനേന പഹാതബ്ബോ രാഗോ ഉപ്പജ്ജതി; ഉദ്ധച്ചം…പേ… നദസ്സനേന പഹാതബ്ബം ദോമനസ്സം ഉപ്പജ്ജതി, പുബ്ബേ സുചിണ്ണാനി…പേ… ഝാനാ …പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി…പേ… ഫലസ്സ ആവജ്ജനായ ആരമ്മണപച്ചയേന പച്ചയോ; അരിയാ നദസ്സനേന പഹാതബ്ബേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും നദസ്സനേന പഹാതബ്ബേ ഖന്ധേ അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ നദസ്സനേന പഹാതബ്ബോ രാഗോ ഉപ്പജ്ജതി, ഉദ്ധച്ചം…പേ… നദസ്സനേന പഹാതബ്ബം ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി…പേ… അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും …പേ… വത്ഥും നദസ്സനേന പഹാതബ്ബേ ഖന്ധേ അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ദസ്സനേന പഹാതബ്ബം ദോമനസ്സം ഉപ്പജ്ജതി. (൨)

അധിപതിപച്ചയോ

൧൬. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദസ്സനേന പഹാതബ്ബം രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, ദിട്ഠിം ഗരും കത്വാ…പേ…. സഹജാതാധിപതി – ദസ്സനേന പഹാതബ്ബാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – ദസ്സനേന പഹാതബ്ബാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നദസ്സനേന പഹാതബ്ബസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – ദസ്സനേന പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൧൭. നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അസ്സാദേതി അഭിനന്ദതി, തം ഗരും കത്വാ നദസ്സനേന പഹാതബ്ബോ രാഗോ ഉപ്പജ്ജതി, അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ…പേ… ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നദസ്സനേന പഹാതബ്ബേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ നദസ്സനേന പഹാതബ്ബോ രാഗോ ഉപ്പജ്ജതി. സഹജാതാധിപതി – നദസ്സനേന പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം ദത്വാ…പേ… ഝാനം…പേ… ചക്ഖും…പേ… വത്ഥും നദസ്സനേന പഹാതബ്ബേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അനന്തരപച്ചയോ

൧൮. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദസ്സനേന പഹാതബ്ബാ ഖന്ധാ പച്ഛിമാനം പച്ഛിമാനം ദസ്സനേന പഹാതബ്ബാനം ഖന്ധാനം അനന്തരപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ അനന്തരപച്ചയേന പച്ചയോ – ദസ്സനേന പഹാതബ്ബാ ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം.) പുരിമാ പുരിമാ നദസ്സനേന പഹാതബ്ബാ ഖന്ധാ…പേ… ഫലസമാപത്തിയാ അനന്തരപച്ചയേന പച്ചയോ. (മൂലം കാതബ്ബം.) ആവജ്ജനാ ദസ്സനേന പഹാതബ്ബാനം ഖന്ധാനം അനന്തരപച്ചയേന പച്ചയോ. (൨)

സമനന്തരപച്ചയേന പച്ചയോ… സഹജാതപച്ചയേന പച്ചയോ… പഞ്ച… അഞ്ഞമഞ്ഞപച്ചയേന പച്ചയോ… ദ്വേ… നിസ്സയപച്ചയേന പച്ചയോ… സത്ത.

ഉപനിസ്സയപച്ചയോ

൧൯. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബം രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി; ദസ്സനേന പഹാതബ്ബം ദോസം… മോഹം… ദിട്ഠിം… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി; ദസ്സനേന പഹാതബ്ബോ രാഗോ…പേ… പത്ഥനാ ദസ്സനേന പഹാതബ്ബസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബം രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി ദസ്സനേന പഹാതബ്ബം ദോസം… മോഹം… ദിട്ഠിം… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; ദസ്സനേന പഹാതബ്ബോ രാഗോ…പേ… പത്ഥനാ സദ്ധായ…പേ… പഞ്ഞായ നദസ്സനേന പഹാതബ്ബസ്സ രാഗസ്സ… ദോസസ്സ… മോഹസ്സ… മാനസ്സ … പത്ഥനായ… കായികസ്സ സുഖസ്സ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൨)

൨൦. നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി; സീലം…പേ… പഞ്ഞം, നദസ്സനേന പഹാതബ്ബം രാഗം… ദോസം… മോഹം… മാനം… പത്ഥനം… കായികം സുഖം…പേ… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി; സദ്ധാ…പേ… പഞ്ഞാ, നദസ്സനേന പഹാതബ്ബോ രാഗോ…പേ… പത്ഥനാ… കായികം സുഖം…പേ… സേനാസനം സദ്ധായ…പേ… പഞ്ഞായ നദസ്സനേന പഹാതബ്ബസ്സ രാഗസ്സ…പേ… പത്ഥനായ… കായികസ്സ സുഖസ്സ… കായികസ്സ ദുക്ഖസ്സ… മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൨)

നദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദിട്ഠിം ഗണ്ഹാതി; സീലം…പേ… പഞ്ഞം ഉപനിസ്സായ ദിട്ഠിം ഗണ്ഹാതി, നദസ്സനേന പഹാതബ്ബം രാഗം… ദോസം… മോഹം… മാനം… പത്ഥനം… കായികം സുഖം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം ദസ്സനേന പഹാതബ്ബസ്സ രാഗസ്സ… ദോസസ്സ… മോഹസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൨൧. നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ നദസ്സനേന പഹാതബ്ബോ രാഗോ …പേ… ഉദ്ധച്ചം…പേ… നദസ്സനേന പഹാതബ്ബം ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ …പേ… കായായതനം കായവിഞ്ഞാണസ്സ…പേ… വത്ഥു നദസ്സനേന പഹാതബ്ബാനം ഖന്ധാനം പുരേജാതപച്ചയേന പച്ചയോ. (൧)

നദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ…പേ… ദിട്ഠി…പേ… വിചികിച്ഛാ…പേ… ദസ്സനേന പഹാതബ്ബം ദോമനസ്സം ഉപ്പജ്ജതി. വത്ഥുപുരേജാതം – വത്ഥു ദസ്സനേന പഹാതബ്ബാനം ഖന്ധാനം പുരേജാതപച്ചയേന പച്ചയോ. (൨)

പച്ഛാജാതാസേവനപച്ചയാ

൨൨. ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം)… ആസേവനപച്ചയേന പച്ചയോ… ദ്വേ.

കമ്മപച്ചയോ

൨൩. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ കമ്മപച്ചയേന പച്ചയോ – ദസ്സനേന പഹാതബ്ബാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ദസ്സനേന പഹാതബ്ബാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – ദസ്സനേന പഹാതബ്ബാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നദസ്സനേന പഹാതബ്ബസ്സ ച ധമ്മസ്സ കമ്മപച്ചയേന പച്ചയോ – ദസ്സനേന പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൨൪. നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നദസ്സനേന പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നദസ്സനേന പഹാതബ്ബാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ.

വിപാകപച്ചയാദി

൨൫. നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ വിപാകപച്ചയേന പച്ചയോ… ഏകം… ആഹാരപച്ചയേന പച്ചയോ… ചത്താരി… ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… ചത്താരി… മഗ്ഗപച്ചയേന പച്ചയോ… ചത്താരി… സമ്പയുത്തപച്ചയേന പച്ചയോ… ദ്വേ.

വിപ്പയുത്തപച്ചയോ

൨൬. ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം).

നദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ദസ്സനേന പഹാതബ്ബാനം ഖന്ധാനം വിപ്പയുത്തപച്ചയേന പച്ചയോ. (൨)

അത്ഥിപച്ചയാദി

൨൭. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ (പടിച്ചസദിസം). ദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നദസ്സനേന പഹാതബ്ബസ്സ ച ധമ്മസ്സ അത്ഥിപച്ചയേന പച്ചയോ (പടിച്ചവാരസദിസാ). (൩)

നദസ്സനേന പഹാതബ്ബോ ധമ്മോ നദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). നദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ. പുരേജാതം – ചക്ഖും…പേ… (സംഖിത്തം, പുരേജാതസദിസം). (൨)

൨൮. ദസ്സനേന പഹാതബ്ബോ ച നദസ്സനേന പഹാതബ്ബോ ച ധമ്മാ ദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദസ്സനേന പഹാതബ്ബോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൧)

ദസ്സനേന പഹാതബ്ബോ ച നദസ്സനേന പഹാതബ്ബോ ച ധമ്മാ നദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – ദസ്സനേന പഹാതബ്ബാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

നത്ഥിപച്ചയേന പച്ചയോ, വിഗതപച്ചയേന പച്ചയോ, അവിഗതപച്ചയേന പച്ചയോ.