൧. വിഭങ്ഗവാരോ

ഹേതുപച്ചയോ

൫. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസാ).

൬. നദസ്സനേന പഹാതബ്ബം ധമ്മം പച്ചയാ നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – നദസ്സനേന പഹാതബ്ബം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അജ്ഝത്തികാ മഹാഭൂതാ) വത്ഥും പച്ചയാ നദസ്സനേന പഹാതബ്ബാ ഖന്ധാ. (൧)

നദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ദസ്സനേന പഹാതബ്ബാ ഖന്ധാ. (൨)

നദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ച നദസ്സനേന പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ദസ്സനേന പഹാതബ്ബാ ഖന്ധാ, മഹാഭൂതേ പച്ചയാ ചിത്തസമുട്ഠാനം. (൩)

൭. ദസ്സനേന പഹാതബ്ബഞ്ച നദസ്സനേന പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧)

ദസ്സനേന പഹാതബ്ബഞ്ച നദസ്സനേന പഹാതബ്ബഞ്ച ധമ്മം പച്ചയാ നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

ദസ്സനേന പഹാതബ്ബഞ്ച നദസ്സനേന പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ച നദസ്സനേന പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – ദസ്സനേന പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… ദസ്സനേന പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)