൧-൭. പടിച്ചവാരാദി

ഹേതുപച്ചയോ

൨൧. അകുസലം കിലേസഞ്ചേവ സംകിലേസികഞ്ച ധമ്മം പടിച്ച അകുസലോ കിലേസോ ചേവ സംകിലേസികോ ച ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨൨. കുസലം സംകിലേസികഞ്ചേവ നോ ച കിലേസം ധമ്മം പടിച്ച കുസലോ സംകിലേസികോ ചേവ നോ ച കിലേസോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം സംകിലേസികഞ്ചേവ നോ ച കിലേസം ധമ്മം പടിച്ച അകുസലോ സംകിലേസികോ ചേവ നോ ച കിലേസോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം സംകിലേസികഞ്ചേവ നോ ച കിലേസം ധമ്മം പടിച്ച അബ്യാകതോ സംകിലേസികോ ചേവ നോ ച കിലേസോ ധമ്മോ ഉപ്പജ്ജതി ഹേതുപച്ചയാ.

കുസലം സംകിലേസികഞ്ചേവ നോ ച കിലേസഞ്ച അബ്യാകതം സംകിലേസികഞ്ചേവ നോ ച കിലേസഞ്ച ധമ്മം പടിച്ച അബ്യാകതോ സംകിലേസികോ ചേവ നോ ച കിലേസോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സംകിലേസികഞ്ചേവ നോ ച കിലേസഞ്ച അബ്യാകതം സംകിലേസികഞ്ചേവ നോ ച കിലേസഞ്ച ധമ്മം പടിച്ച അബ്യാകതോ സംകിലേസികോ ചേവ നോ ച കിലേസോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൩. ഹേതുയാ നവ, ആരമ്മണേ തീണി…പേ… അവിഗതേ നവ (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൨൪. കുസലോ സംകിലേസികോ ചേവ നോ ച കിലേസോ ധമ്മോ കുസലസ്സ സംകിലേസികസ്സ ചേവ നോ ച കിലേസസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ സംകിലേസികോ ചേവ നോ ച കിലേസോ ധമ്മോ അബ്യാകതസ്സ സംകിലേസികസ്സ ചേവ നോ ച കിലേസസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൨൫. ഹേതുയാ ചത്താരി, ആരമ്മണേ നവ, അധിപതിയാ നവ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).