൧-൭. പടിച്ചവാരാദി

പച്ചയചതുക്കം

൬. കുസലം സംകിലേസികം ധമ്മം പടിച്ച കുസലോ സംകിലേസികോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം സംകിലേസികം ധമ്മം പടിച്ച അകുസലോ സംകിലേസികോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം സംകിലേസികം ധമ്മം പടിച്ച അബ്യാകതോ സംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

കുസലം സംകിലേസികഞ്ച അബ്യാകതം സംകിലേസികഞ്ച ധമ്മം പടിച്ച അബ്യാകതോ സംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സംകിലേസികഞ്ച അബ്യാകതം സംകിലേസികഞ്ച ധമ്മം പടിച്ച അബ്യാകതോ സംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

൭. ഹേതുയാ നവ, ആരമ്മണേ തീണി…പേ… അവിഗതേ നവ (സംഖിത്തം. സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം).

൮. കുസലോ സംകിലേസികോ ധമ്മോ അകുസലസ്സ സംകിലേസികസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ സംകിലേസികോ ധമ്മോ അകുസലസ്സ സംകിലേസികസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ സംകിലേസികോ ധമ്മോ അബ്യാകതസ്സ സംകിലേസികസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൯. ഹേതുയാ സത്ത, ആരമ്മണേ നവ, അധിപതിയാ നവ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

൧൦. കുസലം അസംകിലേസികം ധമ്മം പടിച്ച കുസലോ അസംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അസംകിലേസികം ധമ്മം പടിച്ച അബ്യാകതോ അസംകിലേസികോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൧. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൧൨. കുസലോ അസംകിലേസികോ ധമ്മോ കുസലസ്സ അസംകിലേസികസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ അസംകിലേസികോ ധമ്മോ അബ്യാകതസ്സ അസംകിലേസികസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ അസംകിലേസികോ ധമ്മോ അബ്യാകതസ്സ അസംകിലേസികസ്സ ധമ്മസ്സ ആരമ്മണപച്ചയേന പച്ചയോ. അബ്യാകതോ അസംകിലേസികോ ധമ്മോ കുസലസ്സ അസംകിലേസികസ്സ ധമ്മസ്സ ആരമ്മണപച്ചയേന പച്ചയോ. (൨) (സംഖിത്തം.)

൧൩. ഹേതുയാ ദ്വേ, ആരമ്മണേ ദ്വേ, അധിപതിയാ തീണി, അനന്തരേ ദ്വേ…പേ… ഉപനിസ്സയേ ചത്താരി…പേ… അവിഗതേ ദ്വേ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).