൧-൭. പടിച്ചവാരാദി

ഹേതുപച്ചയോ

൩൦. കുസലം കിലേസവിപ്പയുത്തം സംകിലേസികം ധമ്മം പടിച്ച കുസലോ കിലേസവിപ്പയുത്തോ സംകിലേസികോ ധമ്മോ ഉപ്പജ്ജതി ഹേതുപച്ചയാ. കുസലം കിലേസവിപ്പയുത്തം സംകിലേസികം ധമ്മം പടിച്ച അബ്യാകതോ കിലേസവിപ്പയുത്തോ സംകിലേസികോ ധമ്മോ ഉപ്പജ്ജതി ഹേതുപച്ചയാ. കുസലം കിലേസവിപ്പയുത്തം സംകിലേസികം ധമ്മം പടിച്ച കുസലോ കിലേസവിപ്പയുത്തോ സംകിലേസികോ ച അബ്യാകതോ കിലേസവിപ്പയുത്തോ സംകിലേസികോ ച ധമ്മാ ഉപ്പജ്ജന്തി ഹേതുപച്ചയാ. (൩)

അബ്യാകതം കിലേസവിപ്പയുത്തം സംകിലേസികം ധമ്മം പടിച്ച അബ്യാകതോ കിലേസവിപ്പയുത്തോ സംകിലേസികോ ധമ്മോ ഉപ്പജ്ജതി ഹേതുപച്ചയാ. (൧)

കുസലം കിലേസവിപ്പയുത്തം സംകിലേസികഞ്ച അബ്യാകതം കിലേസവിപ്പയുത്തം സംകിലേസികഞ്ച ധമ്മം പടിച്ച അബ്യാകതോ കിലേസവിപ്പയുത്തോ സംകിലേസികോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൧. ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൩൨. കുസലോ കിലേസവിപ്പയുത്തോ സംകിലേസികോ ധമ്മോ കുസലസ്സ കിലേസവിപ്പയുത്തസ്സ സംകിലേസികസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ കിലേസവിപ്പയുത്തോ സംകിലേസികോ ധമ്മോ അബ്യാകതസ്സ കിലേസവിപ്പയുത്തസ്സ സംകിലേസികസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൩൩. ഹേതുയാ ചത്താരി, ആരമ്മണേ ചത്താരി…പേ… അവിഗതേ സത്ത (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

൩൪. കുസലം കിലേസവിപ്പയുത്തം അസംകിലേസികം ധമ്മം പടിച്ച കുസലോ കിലേസവിപ്പയുത്തോ അസംകിലേസികോ ധമ്മോ ഉപ്പജ്ജതി ഹേതുപച്ചയാ.

അബ്യാകതം കിലേസവിപ്പയുത്തം അസംകിലേസികം ധമ്മം പടിച്ച അബ്യാകതോ കിലേസവിപ്പയുത്തോ അസംകിലേസികോ ധമ്മോ ഉപ്പജ്ജതി ഹേതുപച്ചയാ.

ഹേതുയാ ദ്വേ…പേ… അവിഗതേ ദ്വേ (സംഖിത്തം. സഹജാതവാരമ്പി …പേ… സമ്പയുത്തവാരമ്പി പടിച്ചവാരസദിസം).

൩൫. കുസലോ കിലേസവിപ്പയുത്തോ അസംകിലേസികോ ധമ്മോ കുസലസ്സ കിലേസവിപ്പയുത്തസ്സ അസംകിലേസികസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ കിലേസവിപ്പയുത്തോ അസംകിലേസികോ ധമ്മോ അബ്യാകതസ്സ കിലേസവിപ്പയുത്തസ്സ അസംകിലേസികസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൩൬. ഹേതുയാ ദ്വേ, ആരമ്മണേ ദ്വേ, അധിപതിയാ തീണി, അനന്തരേ ദ്വേ…പേ… ഉപനിസ്സയേ ചത്താരി…പേ… അവിഗതേ ദ്വേ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

കുസലത്തികകിലേസഗോച്ഛകം നിട്ഠിതം.