൧-൭. പടിച്ചവാരാദി

പച്ചയചതുക്കം

൧൮. അബ്യാകതം അജ്ഝത്തികം ധമ്മം പടിച്ച അബ്യാകതോ അജ്ഝത്തികോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, സഹജാതേ ഏകം…പേ… അവിഗതേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൧൯. കുസലോ അജ്ഝത്തികോ ധമ്മോ കുസലസ്സ അജ്ഝത്തികസ്സ ധമ്മസ്സ ആരമ്മണപച്ചയേന പച്ചയോ. കുസലോ അജ്ഝത്തികോ ധമ്മോ അകുസലസ്സ അജ്ഝത്തികസ്സ ധമ്മസ്സ ആരമ്മണപച്ചയേന പച്ചയോ. കുസലോ അജ്ഝത്തികോ ധമ്മോ അബ്യാകതസ്സ അജ്ഝത്തികസ്സ ധമ്മസ്സ ആരമ്മണപച്ചയേന പച്ചയോ. (൩)

അകുസലോ അജ്ഝത്തികോ ധമ്മോ അകുസലസ്സ അജ്ഝത്തികസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ അജ്ഝത്തികോ ധമ്മോ അബ്യാകതസ്സ അജ്ഝത്തികസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൨൦. ആരമ്മണേ നവ, പുരേജാതേ തീണി…പേ… അവിഗതേ പഞ്ച (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

൨൧. കുസലം ബാഹിരം ധമ്മം പടിച്ച കുസലോ ബാഹിരോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ നവ, ആരമ്മണേ തീണി…പേ… വിപാകേ ഏകം…പേ… അവിഗതേ നവ (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൨൨. കുസലോ ബാഹിരോ ധമ്മോ കുസലസ്സ ബാഹിരസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

ഹേതുയാ സത്ത, ആരമ്മണേ നവ…പേ… അവിഗതേ തേരസ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)