൧-൭. പടിച്ചവാരാദി

പച്ചയചതുക്കം

൧൧. കുസലം ചേതസികം ധമ്മം പടിച്ച കുസലോ ചേതസികോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം ചേതസികം ധമ്മം പടിച്ച അകുസലോ ചേതസികോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ചേതസികം ധമ്മം പടിച്ച അബ്യാകതോ ചേതസികോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൨. ഹേതുയാ തീണി, ആരമ്മണേ തീണി…പേ… (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതു-ആരമ്മണപച്ചയാ

൧൩. കുസലോ ചേതസികോ ധമ്മോ കുസലസ്സ ചേതസികസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ ചേതസികോ ധമ്മോ അകുസലസ്സ ചേതസികസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ചേതസികോ ധമ്മോ അബ്യാകതസ്സ ചേതസികസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ ചേതസികോ ധമ്മോ കുസലസ്സ ചേതസികസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ ചേതസികോ ധമ്മോ അകുസലസ്സ ചേതസികസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ ചേതസികോ ധമ്മോ അബ്യാകതസ്സ ചേതസികസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൧൪. ഹേതുയാ തീണി, ആരമ്മണേ നവ, അധിപതിയാ സത്ത…പേ… അവിഗതേ തീണി (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

൧൫. കുസലം അചേതസികം ധമ്മം പടിച്ച അബ്യാകതോ അചേതസികോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അചേതസികം ധമ്മം പടിച്ച അബ്യാകതോ അചേതസികോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അചേതസികം ധമ്മം പടിച്ച അബ്യാകതോ അചേതസികോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അചേതസികഞ്ച അബ്യാകതം അചേതസികഞ്ച ധമ്മം പടിച്ച അബ്യാകതോ അചേതസികോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അചേതസികഞ്ച അബ്യാകതം അചേതസികഞ്ച ധമ്മം പടിച്ച അബ്യാകതോ അചേതസികോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൬. ഹേതുയാ പഞ്ച, ആരമ്മണേ ഏകം…പേ… അവിഗതേ പഞ്ച.

നഹേതുയാ ഏകം, നആരമ്മണേ പഞ്ച, നോവിഗതേ പഞ്ച.

(സഹജാതവാരമ്പി…പേ… പഞ്ഹാവാരമ്പി ഏവം വിത്ഥാരേതബ്ബം.)