൧-൭. പടിച്ചവാരാദി

പച്ചയചതുക്കം

൧. കുസലം സാരമ്മണം ധമ്മം പടിച്ച കുസലോ സാരമ്മണോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സാരമ്മണം ധമ്മം പടിച്ച അകുസലോ സാരമ്മണോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സാരമ്മണം ധമ്മം പടിച്ച അബ്യാകതോ സാരമ്മണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതു-ആരമ്മണപച്ചയാ

൩. കുസലോ സാരമ്മണോ ധമ്മോ കുസലസ്സ സാരമ്മണസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ സാരമ്മണോ ധമ്മോ അകുസലസ്സ സാരമ്മണസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ സാരമ്മണോ ധമ്മോ അബ്യാകതസ്സ സാരമ്മണസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ സാരമ്മണോ ധമ്മോ കുസലസ്സ സാരമ്മണസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൪. ഹേതുയാ തീണി, ആരമ്മണേ നവ, അധിപതിയാ സത്ത…പേ… അവിഗതേ തീണി (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

ഹേതുസഹജാതപച്ചയാദി

൫. അബ്യാകതം അനാരമ്മണം ധമ്മം പടിച്ച അബ്യാകതോ അനാരമ്മണോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം).

നഹേതുയാ ഏകം…പേ… (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൬. അബ്യാകതോ അനാരമ്മണോ ധമ്മോ അബ്യാകതസ്സ അനാരമ്മണസ്സ ധമ്മസ്സ സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… അത്ഥിപച്ചയേന പച്ചയോ… അവിഗതപച്ചയേന പച്ചയോ (സബ്ബത്ഥ ഏകം. സംഖിത്തം.)