൧-൭. പടിച്ചവാരാദി

പച്ചയചതുക്കം

൨൪. അകുസലം ആസവഞ്ചേവ ആസവസമ്പയുത്തഞ്ച ധമ്മം പടിച്ച അകുസലോ ആസവോ ചേവ ആസവസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… സമ്പയുത്തവാരേപി പഞ്ഹാവാരേപി സബ്ബത്ഥ ഏകം).

൨൫. അകുസലം ആസവസമ്പയുത്തഞ്ചേവ നോ ച ആസവം ധമ്മം പടിച്ച അകുസലോ ആസവസമ്പയുത്തോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… സമ്പയുത്തവാരേപി പഞ്ഹാവാരേപി സബ്ബത്ഥ ഏകം.)

൨൬. കുസലം ആസവവിപ്പയുത്തം സാസവം ധമ്മം പടിച്ച കുസലോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം ആസവവിപ്പയുത്തം സാസവം ധമ്മം പടിച്ച അബ്യാകതോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ആസവവിപ്പയുത്തം സാസവം ധമ്മം പടിച്ച അബ്യാകതോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ. (൧)

കുസലം ആസവവിപ്പയുത്തം സാസവഞ്ച അബ്യാകതം ആസവവിപ്പയുത്തം സാസവഞ്ച ധമ്മം പടിച്ച അബ്യാകതോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം ആസവവിപ്പയുത്തം സാസവഞ്ച അബ്യാകതം ആസവവിപ്പയുത്തം സാസവഞ്ച ധമ്മം പടിച്ച അബ്യാകതോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൭. ഹേതുയാ സത്ത, ആരമ്മണേ ദ്വേ…പേ… അവിഗതേ സത്ത (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൨൮. കുസലോ ആസവവിപ്പയുത്തോ സാസവോ ധമ്മോ കുസലസ്സ ആസവവിപ്പയുത്തസ്സ സാസവസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ ആസവവിപ്പയുത്തോ സാസവോ ധമ്മോ അബ്യാകതസ്സ ആസവവിപ്പയുത്തസ്സ സാസവസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ആസവവിപ്പയുത്തോ സാസവോ ധമ്മോ അബ്യാകതസ്സ ആസവവിപ്പയുത്തസ്സ സാസവസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൨൯. ഹേതുയാ പഞ്ച, ആരമ്മണേ നവ, അധിപതിയാ ചത്താരി…പേ… അവിഗതേ ദസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).