൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൯. അകുസലം ആസവഞ്ചേവ സാസവഞ്ച ധമ്മം പടിച്ച അകുസലോ ആസവോ ചേവ സാസവോ ച ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… സമ്പയുത്തവാരേപി പഞ്ഹാവാരേപി സബ്ബത്ഥ ഏകം).

൨൦. കുസലം സാസവഞ്ചേവ നോ ച ആസവം ധമ്മം പടിച്ച കുസലോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം സാസവഞ്ചേവ നോ ച ആസവം ധമ്മം പടിച്ച അകുസലോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം സാസവഞ്ചേവ നോ ച ആസവം ധമ്മം പടിച്ച അബ്യാകതോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ. (൧)

കുസലം സാസവഞ്ചേവ നോ ച ആസവഞ്ച അബ്യാകതം സാസവഞ്ചേവ നോ ച ആസവഞ്ച ധമ്മം പടിച്ച അബ്യാകതോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സാസവഞ്ചേവ നോ ച ആസവഞ്ച അബ്യാകതം സാസവഞ്ചേവ നോ ച ആസവഞ്ച ധമ്മം പടിച്ച അബ്യാകതോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൧. ഹേതുയാ നവ, ആരമ്മണേ തീണി, അധിപതിയാ നവ…പേ… അവിഗതേ നവ (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൨൨. കുസലോ സാസവോ ചേവ നോ ച ആസവോ ധമ്മോ കുസലസ്സ സാസവസ്സ ചേവ നോ ച ആസവസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ സാസവോ ചേവ നോ ച ആസവോ ധമ്മോ അകുസലസ്സ സാസവസ്സ ചേവ നോ ച ആസവസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ സാസവോ ചേവ നോ ച ആസവോ ധമ്മോ അബ്യാകതസ്സ സാസവസ്സ ചേവ നോ ച ആസവസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൨൩. ഹേതുയാ സത്ത, ആരമ്മണേ നവ, അധിപതിയാ നവ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).