൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൦. കുസലം ആസവവിപ്പയുത്തം അനാസവം ധമ്മം പടിച്ച കുസലോ ആസവവിപ്പയുത്തോ അനാസവോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ആസവവിപ്പയുത്തം അനാസവം ധമ്മം പടിച്ച അബ്യാകതോ ആസവവിപ്പയുത്തോ അനാസവോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൩൧. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ഹേതുആരമ്മണപച്ചയാദി

൩൨. കുസലോ ആസവവിപ്പയുത്തോ അനാസവോ ധമ്മോ കുസലസ്സ ആസവവിപ്പയുത്തസ്സ അനാസവസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ആസവവിപ്പയുത്തോ അനാസവോ ധമ്മോ അബ്യാകതസ്സ ആസവവിപ്പയുത്തസ്സ അനാസവസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ ആസവവിപ്പയുത്തോ അനാസവോ ധമ്മോ അബ്യാകതസ്സ ആസവവിപ്പയുത്തസ്സ അനാസവസ്സ ധമ്മസ്സ ആരമ്മണപച്ചയേന പച്ചയോ. (൧)

അബ്യാകതോ ആസവവിപ്പയുത്തോ അനാസവോ ധമ്മോ കുസലസ്സ ആസവവിപ്പയുത്തസ്സ അനാസവസ്സ ധമ്മസ്സ ആരമ്മണപച്ചയേന പച്ചയോ. (൧)

കുസലോ ആസവവിപ്പയുത്തോ അനാസവോ ധമ്മോ കുസലസ്സ ആസവവിപ്പയുത്തസ്സ അനാസവസ്സ ധമ്മസ്സ അധിപതിപച്ചയേന പച്ചയോ. (൧)

അബ്യാകതോ ആസവവിപ്പയുത്തോ അനാസവോ ധമ്മോ അബ്യാകതസ്സ ആസവവിപ്പയുത്തസ്സ അനാസവസ്സ ധമ്മസ്സ അധിപതിപച്ചയേന പച്ചയോ. (൧)

അബ്യാകതോ ആസവവിപ്പയുത്തോ അനാസവോ ധമ്മോ കുസലസ്സ ആസവവിപ്പയുത്തസ്സ അനാസവസ്സ ധമ്മസ്സ അധിപതിപച്ചയേന പച്ചയോ. (൧)

കുസലോ ആസവവിപ്പയുത്തോ അനാസവോ ധമ്മോ അബ്യാകതസ്സ ആസവവിപ്പയുത്തസ്സ അനാസവസ്സ ധമ്മസ്സ അനന്തരപച്ചയേന പച്ചയോ. (൧)

അബ്യാകതോ ആസവവിപ്പയുത്തോ അനാസവോ ധമ്മോ അബ്യാകതസ്സ ആസവവിപ്പയുത്തസ്സ അനാസവസ്സ ധമ്മസ്സ അനന്തരപച്ചയേന പച്ചയോ. (൧) (സംഖിത്തം.)

൩൩. ഹേതുയാ ദ്വേ, ആരമ്മണേ ദ്വേ, അധിപതിയാ തീണി, അനന്തരേ ദ്വേ, സമനന്തരേ ദ്വേ, സഹജാതേ ദ്വേ, അഞ്ഞമഞ്ഞേ ദ്വേ, നിസ്സയേ ദ്വേ, ഉപനിസ്സയേ ചത്താരി…പേ… അവിഗതേ ദ്വേ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

കുസലത്തികആസവഗോച്ഛകം നിട്ഠിതം.

൧-൨൦-൫൪. കുസലത്തിക-സഞ്ഞോജനാദിദുകാനി

൩൪. അകുസലം സഞ്ഞോജനം ധമ്മം പടിച്ച…പേ… അകുസലം ഗന്ഥം… ഓഘം… യോഗം… നീവരണം….

കുസലം നോപരാമാസം ധമ്മം പടിച്ച കുസലോ നോപരാമാസോ ധമ്മോ ഉപ്പജ്ജതി ഹേതുപച്ചയാ. (ആസവഗോച്ഛകസദിസം.) ദിട്ഠിം പടിച്ച ദിട്ഠി ന ഉപ്പജ്ജതി.

കുസലത്തികേ ഛ ഗോച്ഛകം നിട്ഠിതം.