൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. അകുസലം ആസവം ധമ്മം പടിച്ച അകുസലോ ആസവോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… സമ്പയുത്തവാരേപി പഞ്ഹാവാരേപി സബ്ബത്ഥ ഏകം).

൨. കുസലം നോആസവം ധമ്മം പടിച്ച കുസലോ നോആസവോ ധമ്മോ ഉപ്പജ്ജതി ഹേതുപച്ചയാ. കുസലം നോആസവം ധമ്മം പടിച്ച അബ്യാകതോ നോആസവോ ധമ്മോ ഉപ്പജ്ജതി ഹേതുപച്ചയാ. കുസലം നോആസവം ധമ്മം പടിച്ച കുസലോ നോആസവോ ച അബ്യാകതോ നോആസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം നോആസവം ധമ്മം പടിച്ച അകുസലോ നോആസവോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം നോആസവം ധമ്മം പടിച്ച അബ്യാകതോ നോആസവോ ധമ്മോ ഉപ്പജ്ജതി ഹേതുപച്ചയാ. (൧)

കുസലം നോആസവഞ്ച അബ്യാകതം നോആസവഞ്ച ധമ്മം പടിച്ച അബ്യാകതോ നോആസവോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം നോആസവഞ്ച അബ്യാകതം നോആസവഞ്ച ധമ്മം പടിച്ച അബ്യാകതോ നോആസവോ ധമ്മോ ഉപ്പജ്ജതി ഹേതുപച്ചയാ. (൧)

ആരമ്മണപച്ചയോ

൩. കുസലം നോആസവം ധമ്മം പടിച്ച കുസലോ നോആസവോ ധമ്മോ ഉപ്പജ്ജതി ആരമ്മണപച്ചയാ. (൧)

അകുസലം നോആസവം ധമ്മം പടിച്ച അകുസലോ നോആസവോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം നോആസവം ധമ്മം പടിച്ച അബ്യാകതോ നോആസവോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൪. ഹേതുയാ നവ, ആരമ്മണേ തീണി, അധിപതിയാ നവ…പേ… അവിഗതേ നവ (സംഖിത്തം).

നഹേതുയാ ഏകം, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

ഹേതു-ആരമ്മണപച്ചയാ

൫. കുസലോ നോആസവോ ധമ്മോ കുസലസ്സ നോആസവസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ നോആസവോ ധമ്മോ അകുസലസ്സ നോആസവസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ നോആസവോ ധമ്മോ അബ്യാകതസ്സ നോആസവസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ നോആസവോ ധമ്മോ കുസലസ്സ നോആസവസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൬. ഹേതുയാ സത്ത, ആരമ്മണേ നവ, അധിപതിയാ ദസ…പേ… അവിഗതേ തേരസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).