൧-൭. പടിച്ചവാരാദി
പച്ചയചതുക്കം
ഹേതുപച്ചയോ
൨൭൧. കുസലം ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച കുസലോ ഹേതു ചേവ ഹേതുസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ. (൧)
അകുസലം ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച അകുസലോ ഹേതു ചേവ ഹേതുസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ. (൧)
അബ്യാകതം ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച അബ്യാകതോ ഹേതു ചേവ ഹേതുസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ (സംഖിത്തം).
൨൭൨. ഹേതുയാ തീണി…പേ… അവിഗതേ തീണി (സംഖിത്തം).
നഅധിപതിയാ തീണി (സംഖിത്തം).
ഹേതുപച്ചയാ നഅധിപതിയാ തീണി (സംഖിത്തം).
നഅധിപതിപച്ചയാ ഹേതുയാ തീണി (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)
ഹേതു-ആരമ്മണപച്ചയാ
൨൭൩. കുസലോ ഹേതു ചേവ ഹേതുസമ്പയുത്തോ ച ധമ്മോ കുസലസ്സ ഹേതുസ്സ ചേവ ഹേതുസമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. (൧)
അകുസലോ ഹേതു ചേവ ഹേതുസമ്പയുത്തോ ച ധമ്മോ അകുസലസ്സ ഹേതുസ്സ ചേവ ഹേതുസമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. (൧)
അബ്യാകതോ ഹേതു ചേവ ഹേതുസമ്പയുത്തോ ച ധമ്മോ അബ്യാകതസ്സ ഹേതുസ്സ ചേവ ഹേതുസമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. (൧)
കുസലോ ഹേതു ചേവ ഹേതുസമ്പയുത്തോ ച ധമ്മോ കുസലസ്സ ഹേതുസ്സ ചേവ ഹേതുസമ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ (സംഖിത്തം).
൨൭൪. ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ പഞ്ച…പേ… അവിഗതേ തീണി (സംഖിത്തം).
നഹേതുയാ നവ, നആരമ്മണേ നവ (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ നവ (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)