൧-൭. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൨൫൭. അകുസലം ഹേതുവിപ്പയുത്തം ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ഹേതുവിപ്പയുത്തം ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം ഹേതുവിപ്പയുത്തഞ്ച അബ്യാകതം ഹേതുവിപ്പയുത്തഞ്ച ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം ഹേതുവിപ്പയുത്തം ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൨൫൮. ഹേതുയാ തീണി, ആരമ്മണേ ഏകം, അധിപതിയാ ഏകം…പേ… അവിഗതേ തീണി (സംഖിത്തം).

നഹേതു-നആരമ്മണപച്ചയാ

൨൫൯. അബ്യാകതം ഹേതുവിപ്പയുത്തം ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി നഹേതുപച്ചയാ. (൧)

അകുസലം ഹേതുവിപ്പയുത്തം ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി നആരമ്മണപച്ചയാ. (൧)

അബ്യാകതം ഹേതുവിപ്പയുത്തം ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി നആരമ്മണപച്ചയാ. (൧)

അകുസലം ഹേതുവിപ്പയുത്തഞ്ച അബ്യാകതം ഹേതുവിപ്പയുത്തഞ്ച ധമ്മം പടിച്ച അബ്യാകതോ ഹേതുവിപ്പയുത്തോ ധമ്മോ ഉപ്പജ്ജതി നആരമ്മണപച്ചയാ (സംഖിത്തം).

൨൬൦. നഹേതുയാ ഏകം, നആരമ്മണേ തീണി, നഅധിപതിയാ തീണി…പേ… നോവിഗതേ തീണി. (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ഹേതു-ആരമ്മണ-അനന്തരപച്ചയാ

൨൬൧. അകുസലോ ഹേതുവിപ്പയുത്തോ ധമ്മോ അബ്യാകതസ്സ ഹേതുവിപ്പയുത്തസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ ഹേതുവിപ്പയുത്തോ ധമ്മോ അകുസലസ്സ ഹേതുവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ. അകുസലോ ഹേതുവിപ്പയുത്തോ ധമ്മോ അബ്യാകതസ്സ ഹേതുവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ. (൨)

അബ്യാകതോ ഹേതുവിപ്പയുത്തോ ധമ്മോ അബ്യാകതസ്സ ഹേതുവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ. അബ്യാകതോ ഹേതുവിപ്പയുത്തോ ധമ്മോ അകുസലസ്സ ഹേതുവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ. (൨)

അകുസലോ ഹേതുവിപ്പയുത്തോ ധമ്മോ അകുസലസ്സ ഹേതുവിപ്പയുത്തസ്സ ധമ്മസ്സ അനന്തരപച്ചയേന പച്ചയോ. അകുസലോ ഹേതുവിപ്പയുത്തോ ധമ്മോ അബ്യാകതസ്സ ഹേതുവിപ്പയുത്തസ്സ ധമ്മസ്സ അനന്തരപച്ചയേന പച്ചയോ. (൨)

അബ്യാകതോ ഹേതുവിപ്പയുത്തോ ധമ്മോ അബ്യാകതസ്സ ഹേതുവിപ്പയുത്തസ്സ ധമ്മസ്സ അനന്തരപച്ചയേന പച്ചയോ. അബ്യാകതോ ഹേതുവിപ്പയുത്തോ ധമ്മോ അകുസലസ്സ ഹേതുവിപ്പയുത്തസ്സ ധമ്മസ്സ അനന്തരപച്ചയേന പച്ചയോ. (൨) (സംഖിത്തം.)

൨൬൨. ഹേതുയാ ഏകം, ആരമ്മണേ ചത്താരി, അനന്തരേ ചത്താരി, സമനന്തരേ ചത്താരി, സഹജാതേ തീണി, അഞ്ഞമഞ്ഞേ ഏകം, നിസ്സയേ ചത്താരി, ഉപനിസ്സയേ ചത്താരി…പേ… അവിഗതേ ചത്താരി (സംഖിത്തം).

നഹേതുയാ പഞ്ച, നആരമ്മണേ പഞ്ച (സംഖിത്തം).

ഹേതുപച്ചയാ നആരമ്മണേ ഏകം (സംഖിത്തം).

നഹേതുപച്ചയാ ആരമ്മണേ ചത്താരി (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)