൧-൭. പടിച്ചവാരാദി

പച്ചയചതുക്കം

ഹേതുആരമ്മണപച്ചയാ

൨൪൮. അകുസലം അഹേതുകം ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അഹേതുകം ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അഹേതുകഞ്ച അബ്യാകതം അഹേതുകഞ്ച ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അഹേതുകം ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൨൪൯. ഹേതുയാ തീണി, ആരമ്മണേ ഏകം, അധിപതിയാ ഏകം…പേ… അവിഗതേ തീണി (സംഖിത്തം).

പച്ചനീയം

നഹേതു-നആരമ്മണപച്ചയാ

അബ്യാകതം അഹേതുകം ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി നഹേതുപച്ചയാ. (൧)

അകുസലം അഹേതുകം ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി നആരമ്മണപച്ചയാ. (൧)

അബ്യാകതം അഹേതുകം ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി നആരമ്മണപച്ചയാ. (൧)

അകുസലം അഹേതുകഞ്ച അബ്യാകതം അഹേതുകഞ്ച ധമ്മം പടിച്ച അബ്യാകതോ അഹേതുകോ ധമ്മോ ഉപ്പജ്ജതി നആരമ്മണപച്ചയാ. (൧) (സംഖിത്തം.)

൨൫൦. നഹേതുയാ ഏകം, നആരമ്മണേ തീണി, നഅധിപതിയാ തീണി…പേ… നോവിഗതേ തീണി (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ഹേതു-ആരമ്മണപച്ചയാദി

൨൫൧. അകുസലോ അഹേതുകോ ധമ്മോ അബ്യാകതസ്സ അഹേതുകസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ അഹേതുകോ ധമ്മോ അകുസലസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. അകുസലോ അഹേതുകോ ധമ്മോ അബ്യാകതസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. (൨)

അബ്യാകതോ അഹേതുകോ ധമ്മോ അബ്യാകതസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. അബ്യാകതോ അഹേതുകോ ധമ്മോ അകുസലസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. (൨)

അകുസലോ അഹേതുകോ ധമ്മോ അകുസലസ്സ അഹേതുകസ്സ ധമ്മസ്സ അനന്തരപച്ചയേന പച്ചയോ. അകുസലോ അഹേതുകോ ധമ്മോ അബ്യാകതസ്സ അഹേതുകസ്സ ധമ്മസ്സ അനന്തരപച്ചയേന പച്ചയോ. (൨)

അബ്യാകതോ അഹേതുകോ ധമ്മോ അബ്യാകതസ്സ അഹേതുകസ്സ ധമ്മസ്സ അനന്തരപച്ചയേന പച്ചയോ. അബ്യാകതോ അഹേതുകോ ധമ്മോ അകുസലസ്സ അഹേതുകസ്സ ധമ്മസ്സ അനന്തരപച്ചയേന പച്ചയോ…പേ…. (൨)

അകുസലോ അഹേതുകോ ധമ്മോ അകുസലസ്സ അഹേതുകസ്സ ധമ്മസ്സ ഉപനിസ്സയപച്ചയേന പച്ചയോ (സംഖിത്തം).

൨൫൨. ഹേതുയാ ഏകം, ആരമ്മണേ ചത്താരി, അനന്തരേ ചത്താരി, സമനന്തരേ ചത്താരി, സഹജാതേ തീണി, അഞ്ഞമഞ്ഞേ ഏകം, നിസ്സയേ ചത്താരി, ഉപനിസ്സയേ ചത്താരി (സംഖിത്തം).

നഹേതുയാ പഞ്ച, നആരമ്മണേ പഞ്ച, നഅധിപതിയാ പഞ്ച (സംഖിത്തം).

ഹേതുപച്ചയാ നആരമ്മണേ ഏകം (സംഖിത്തം).

നഹേതുപച്ചയാ ആരമ്മണേ ചത്താരി (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)