൧-൬. പടിച്ചവാരാദി

പച്ചയചതുക്കം

൨൫. സുഖായ വേദനായ സമ്പയുത്തം ഹേതും ധമ്മം പടിച്ച സുഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

ദുക്ഖായ വേദനായ സമ്പയുത്തം ഹേതും ധമ്മം പടിച്ച ദുക്ഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

അദുക്ഖമസുഖായ വേദനായ സമ്പയുത്തം ഹേതും ധമ്മം പടിച്ച അദുക്ഖമസുഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൬. ഹേതുയാ തീണി, ആരമ്മണേ തീണി, അധിപതിയാ തീണി…പേ… വിപാകേ ദ്വേ…പേ… അവിഗതേ തീണി (സംഖിത്തം).

നഅധിപതിയാ തീണി, നപുരേജാതേ ദ്വേ, നപച്ഛാജാതേ തീണി, നആസേവനേ തീണി, നവിപാകേ തീണി, നവിപ്പയുത്തേ ദ്വേ (സംഖിത്തം).

ഹേതുപച്ചയാ നഅധിപതിയാ തീണി (സംഖിത്തം).

നഅധിപതിപച്ചയാ ഹേതുയാ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

ഹേതു-ആരമ്മണപച്ചയാ

൨൭. സുഖായ വേദനായ സമ്പയുത്തോ ഹേതു ധമ്മോ സുഖായ വേദനായ സമ്പയുത്തസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ ഹേതു ധമ്മോ ദുക്ഖായ വേദനായ സമ്പയുത്തസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ഹേതു ധമ്മോ അദുക്ഖമസുഖായ വേദനായ സമ്പയുത്തസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

൨൮. സുഖായ വേദനായ സമ്പയുത്തോ ഹേതു ധമ്മോ സുഖായ വേദനായ സമ്പയുത്തസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

ദുക്ഖായ വേദനായ സമ്പയുത്തോ ഹേതു ധമ്മോ ദുക്ഖായ വേദനായ സമ്പയുത്തസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

അദുക്ഖമസുഖായ വേദനായ സമ്പയുത്തോ ഹേതു ധമ്മോ അദുക്ഖമസുഖായ വേദനായ സമ്പയുത്തസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൨൯. ഹേതുയാ തീണി, ആരമ്മണേ നവ, അധിപതിയാ ചത്താരി, അനന്തരേ ഛ, സമനന്തരേ ഛ, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ, ആസേവനേ തീണി, വിപാകേ ദ്വേ, ഇന്ദ്രിയേ ദ്വേ, മഗ്ഗേ ദ്വേ, സമ്പയുത്തേ തീണി, അത്ഥിയാ തീണി, നത്ഥിയാ ഛ, വിഗതേ ഛ, അവിഗതേ തീണി (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)