൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൨൩൯. അനിദസ്സനസപ്പടിഘം നഹേതും ധമ്മം പടിച്ച അനിദസ്സനസപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം നഹേതും ധമ്മം പടിച്ച അനിദസ്സനഅപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനസപ്പടിഘം നഹേതും ധമ്മം പടിച്ച അനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനസപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനസപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനസപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ… സത്ത.

൨൪൦. അനിദസ്സനഅപ്പടിഘം നഹേതും ധമ്മം പടിച്ച അനിദസ്സനഅപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനഅപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനഅപ്പടിഘം നഹേതും ധമ്മം പടിച്ച അനിദസ്സനസപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനഅപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനഅപ്പടിഘം നഹേതും ധമ്മം പടിച്ച അനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനഅപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനസപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനഅപ്പടിഘം നഹേതും ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ… സത്ത.

൨൪൧. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച സനിദസ്സനസപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച അനിദസ്സനസപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച അനിദസ്സനഅപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച അനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനസപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അനിദസ്സനസപ്പടിഘം നഹേതുഞ്ച അനിദസ്സനഅപ്പടിഘം നഹേതുഞ്ച ധമ്മം പടിച്ച സനിദസ്സനസപ്പടിഘോ നഹേതു ച അനിദസ്സനസപ്പടിഘോ നഹേതു ച അനിദസ്സനഅപ്പടിഘോ നഹേതു ച ധമ്മാ ഉപ്പജ്ജന്തി ഹേതുപച്ചയാ… സത്ത.

അനിദസ്സനഅപ്പടിഘം നഹേതും ധമ്മം പടിച്ച അനിദസ്സനഅപ്പടിഘോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൨൪൨. ഹേതുയാ ഏകവീസ, ആരമ്മണേ ഏകം, അധിപതിയാ ഏകവീസ…പേ… അവിഗതേ ഏകവീസ (സംഖിത്തം).

നഹേതുയാ ഏകവീസ, നആരമ്മണേ ഏകവീസ…പേ… നോവിഗതേ ഏകവീസ.

ഹേതുപച്ചയാ നആരമ്മണേ ഏകവീസ (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)