൧-൭. പടിച്ചവാരാദി
പച്ചയചതുക്കം
ഹേതുപച്ചയോ
൨൧൪. അതീതാരമ്മണം ഹേതും ധമ്മം പടിച്ച അതീതാരമ്മണോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
അനാഗതാരമ്മണം ഹേതും ധമ്മം പടിച്ച അനാഗതാരമ്മണോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
പച്ചുപ്പന്നാരമ്മണം ഹേതും ധമ്മം പടിച്ച പച്ചുപ്പന്നാരമ്മണോ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
൨൧൫. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).
നഅധിപതിയാ തീണി, നപുരേജാതേ തീണി, നപച്ഛാജാതേ തീണി, നആസേവനേ തീണി, നവിപാകേ തീണി, നവിപ്പയുത്തേ ദ്വേ (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)
ഹേതു-ആരമ്മണപച്ചയാ
൨൧൬. അതീതാരമ്മണോ ഹേതു ധമ്മോ അതീതാരമ്മണസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
അനാഗതാരമ്മണോ ഹേതു ധമ്മോ അനാഗതാരമ്മണസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
പച്ചുപ്പന്നാരമ്മണോ ഹേതു ധമ്മോ പച്ചുപ്പന്നാരമ്മണസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
അതീതാരമ്മണോ ഹേതു ധമ്മോ അതീതാരമ്മണസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. അതീതാരമ്മണോ ഹേതു ധമ്മോ അനാഗതാരമ്മണസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. അതീതാരമ്മണോ ഹേതു ധമ്മോ പച്ചുപ്പന്നാരമ്മണസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)
അനാഗതാരമ്മണോ ഹേതു ധമ്മോ അനാഗതാരമ്മണസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.
പച്ചുപ്പന്നാരമ്മണോ ഹേതു ധമ്മോ പച്ചുപ്പന്നാരമ്മണസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).
൨൧൭. ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ ഛ, സമനന്തരേ ഛ, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ…പേ… അവിഗതേ തീണി (സംഖിത്തം).
നഹേതുയാ നവ, നആരമ്മണേ നവ (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ നവ (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)