നഹേതുപദം

ആരമ്മണപച്ചയാദി

൨൦൭. ഉപ്പന്നോ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)

അനുപ്പന്നോ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)

ഉപ്പാദീ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)

൨൦൮. ഉപ്പന്നോ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. (൧)

അനുപ്പന്നോ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. (൧)

ഉപ്പാദീ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ അധിപതിപച്ചയേന പച്ചയോ. (൧)

ഉപ്പന്നോ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ… ഉപനിസ്സയപച്ചയേന പച്ചയോ.

അനുപ്പന്നോ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ.

ഉപ്പാദീ നഹേതു ധമ്മോ ഉപ്പന്നസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ (സംഖിത്തം).

൨൦൯. ആരമ്മണേ തീണി, അധിപതിയാ തീണി, സഹജാതേ ഏകം, അഞ്ഞമഞ്ഞേ ഏകം, നിസ്സയേ ഏകം, ഉപനിസ്സയേ തീണി…പേ… അവിഗതേ ഏകം (സംഖിത്തം).

നഹേതുയാ തീണി, നആരമ്മണേ തീണി (സംഖിത്തം).

ആരമ്മണപച്ചയാ നഹേതുയാ തീണി (സംഖിത്തം).

നഹേതുപച്ചയാ ആരമ്മണേ തീണി (സംഖിത്തം).