൧-൬. പടിച്ചവാരാദി
പച്ചയചതുക്കം
ഹേതുപച്ചയോ
൧൯൭. മഗ്ഗാരമ്മണം നഹേതും ധമ്മം പടിച്ച മഗ്ഗാരമ്മണോ നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാരമ്മണം നഹേതും ധമ്മം പടിച്ച മഗ്ഗാധിപതി നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാരമ്മണം നഹേതും ധമ്മം പടിച്ച മഗ്ഗാരമ്മണോ നഹേതു ച മഗ്ഗാധിപതി നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)
മഗ്ഗഹേതുകം നഹേതും ധമ്മം പടിച്ച മഗ്ഗഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗഹേതുകം നഹേതും ധമ്മം പടിച്ച മഗ്ഗാധിപതി നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗഹേതുകം നഹേതും ധമ്മം പടിച്ച മഗ്ഗഹേതുകോ നഹേതു ച മഗ്ഗാധിപതി നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)
മഗ്ഗാധിപതി നഹേതും ധമ്മം പടിച്ച മഗ്ഗാധിപതി നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാധിപതിം നഹേതും ധമ്മം പടിച്ച മഗ്ഗാരമ്മണോ നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാധിപതിം നഹേതും ധമ്മം പടിച്ച മഗ്ഗഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാധിപതിം നഹേതും ധമ്മം പടിച്ച മഗ്ഗാരമ്മണോ നഹേതു ച മഗ്ഗാധിപതി നഹേതു ച ധമ്മാ ഉപ്പജ്ജന്തി ഹേതുപച്ചയാ. മഗ്ഗാധിപതിം നഹേതും ധമ്മം പടിച്ച മഗ്ഗഹേതുകോ നഹേതു ച മഗ്ഗാധിപതി നഹേതു ച ധമ്മാ ഉപ്പജ്ജന്തി ഹേതുപച്ചയാ. (൫)
മഗ്ഗാരമ്മണം നഹേതുഞ്ച മഗ്ഗാധിപതിം നഹേതുഞ്ച ധമ്മം പടിച്ച മഗ്ഗാരമ്മണോ നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാരമ്മണം നഹേതുഞ്ച മഗ്ഗാധിപതിം നഹേതുഞ്ച ധമ്മം പടിച്ച മഗ്ഗാധിപതി നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗാരമ്മണം നഹേതുഞ്ച മഗ്ഗാധിപതിം നഹേതുഞ്ച ധമ്മം പടിച്ച മഗ്ഗാരമ്മണോ നഹേതു ച മഗ്ഗാധിപതി നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)
മഗ്ഗഹേതുകം നഹേതുഞ്ച മഗ്ഗാധിപതിം നഹേതുഞ്ച ധമ്മം പടിച്ച മഗ്ഗഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗഹേതുകം നഹേതുഞ്ച മഗ്ഗാധിപതിം നഹേതുഞ്ച ധമ്മം പടിച്ച മഗ്ഗാധിപതിം നഹേതു ധമ്മോ ഉപ്പജ്ജതി ഹേതുപച്ചയാ. മഗ്ഗഹേതുകം നഹേതുഞ്ച മഗ്ഗാധിപതിം നഹേതുഞ്ച ധമ്മം പടിച്ച മഗ്ഗഹേതുകോ നഹേതു ച മഗ്ഗാധിപതി നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)
൧൯൮. ഹേതുയാ സത്തരസ, ആരമ്മണേ സത്തരസ…പേ… അവിഗതേ സത്തരസ (സംഖിത്തം).
പച്ചനീയം
നഹേതുപച്ചയോ
൧൯൯. മഗ്ഗാരമ്മണം നഹേതും ധമ്മം പടിച്ച മഗ്ഗാരമ്മണോ നഹേതു ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)
നഹേതുയാ ഏകം, നഅധിപതിയാ സത്തരസ, നപുരേജാതേ സത്തരസ, നപച്ഛാജാതേ സത്തരസ, നആസേവനേ നവ, നവിപാകേ സത്തരസ, നവിപ്പയുത്തേ സത്തരസ (സംഖിത്തം).
ഹേതുപച്ചയാ നഅധിപതിയാ സത്തരസ (സംഖിത്തം).
നഹേതുപച്ചയാ ആരമ്മണേ ഏകം (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)