൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൭൦. പരിത്താരമ്മണം നഹേതും ധമ്മം പടിച്ച പരിത്താരമ്മണോ നഹേതു ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ തീണി, ആരമ്മണേ തീണി, അധിപതിയാ തീണി…പേ… അവിഗതേ തീണി (സംഖിത്തം).

൧൭൧. പരിത്താരമ്മണം നഹേതും ധമ്മം പടിച്ച പരിത്താരമ്മണോ നഹേതു ധമ്മോ ഉപ്പജ്ജതി നഹേതുപച്ചയാ (സംഖിത്തം).

നഹേതുയാ തീണി, നഅധിപതിയാ തീണി…പേ… നവിപ്പയുത്തേ തീണി (സംഖിത്തം).

ഹേതുപച്ചയാ നഅധിപതിയാ തീണി (സംഖിത്തം).

നഹേതുപച്ചയാ ആരമ്മണേ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)

ആരമ്മണ-അധിപതിപച്ചയാ

൧൭൨. പരിത്താരമ്മണോ നഹേതു ധമ്മോ പരിത്താരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. പരിത്താരമ്മണോ നഹേതു ധമ്മോ മഹഗ്ഗതാരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

മഹഗ്ഗതാരമ്മണോ നഹേതു ധമ്മോ മഹഗ്ഗതാരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. മഹഗ്ഗതാരമ്മണോ നഹേതു ധമ്മോ പരിത്താരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

അപ്പമാണാരമ്മണോ നഹേതു ധമ്മോ അപ്പമാണാരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അപ്പമാണാരമ്മണോ നഹേതു ധമ്മോ പരിത്താരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അപ്പമാണാരമ്മണോ നഹേതു ധമ്മോ മഹഗ്ഗതാരമ്മണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

പരിത്താരമ്മണോ നഹേതു ധമ്മോ പരിത്താരമ്മണസ്സ നഹേതുസ്സ ധമ്മസ്സ അധിപതിപച്ചയേന പച്ചയോ (സംഖിത്തം).

൧൭൩. ആരമ്മണേ സത്ത, അധിപതിയാ സത്ത, അനന്തരേ നവ, സമനന്തരേ നവ, ഉപനിസ്സയേ നവ…പേ… അവിഗതേ തീണി (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ആരമ്മണപച്ചയാ നഹേതുയാ സത്ത (സംഖിത്തം).

നഹേതുപച്ചയാ ആരമ്മണേ സത്ത (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)